Iki barmağını boynuna qoyub, nəbzini yoxlamaq istəyirdi ki, dəhşətlə irkildi. Bir cüt boz-mavi göz ona baxırdı. 2 saniyə əvvəl o gözlərin yumulu olduğuna and içə bilərdi. Geri çəkilmək istəyirdi ki, Sənəm cəld biləyindən yapışıb “תפסתי אותך לך*(səni yaxaladım)” deyə pıçıldadı.(müəllif: Cəmilə Məmmədli) Qocanın gözlərində bu dəfə dəhşətdən daha çox qorxu vardı. Sənəm digər əlindəki iynəni cəld kişinin boynuna sapladı. Qoca əlini boynuna aparıb, iynədən qurtulmaq istəsə də, gec idi. içindəki maye sona qədər yeridilmişdi. Qurumuş dodaqlarında gülümsəməyə bənzər bir şey yarandı. Çuxura düşmüş gözlərini Sənəmə zilləyib, xırıltılı səslə pıçıldadı:
- Keşikçinin qızından bunu gözləyirdim...
Bundan sonrası olduqca sürətli oldu. İçəri girib, yerdə çırpınan qocaya kömək etməyə çalışan muhafizəçilər Sənəmlə Yusubovə diqqqət etmədilər belə. Kameralardan görünü sadəcə əyilən qocanın ürəyinin tab gətirməyib, narahat olmağa başlaması idi.
1 SAAT ƏVVƏL:
- Ya tətiyi çək, ya da mənə kömək et.
- Nə?
- 4 alimdən birinin yox olduğunu, haqqında heç birməlumat olmadığını demişdiz. Bəs ya 1 deyil, 2 alim ortadan yox oldusa?
Yusubovun üzündəki heç nə anlamayan ifadə birdən kinayəli təbəssümlə əvəzləndi. Silahını aşağı salıb, iynələyici tonda dedi:
- Ölümdən bu qədər qorxduğunu bilmirdim.
- Mən uydurmuram. İvrit dilini eşitmisən?
- Yəhudi dillərindən ən qədimi. Sən yəhudilərlə nə düşmənliyin var?
Sənəm çiynini çəkib, ona yaxınlaşdı. Yusubovun təkrar silahını qaldırmasına gülümsəyib, soyuqqanlılığını pozmadan dedi:
- Sadəcə biri ilə. Səndən son dəfə, elə əslində ilk dəfə bir şey istəyəcəm. Bir şeyə əmin olmağa mənə kömək et.
Yusubov Sənəmin gözlərindəki qətiyyəti görüb, silahı aşağı saldı. Sənəmin istədiyi hər nə olursa, olsun etməyə razı idi. Amma sonrasında ona nə olacağından əmin idi. Sənəmin nəfəs aldığı hər saniyə, onun ömründən gedirdi. Qollarını dizlərinə qoyub, Sənəmi süzdü. Həqiqətən də inanılmaz idi. Nə ağ, nə qarabuğdayı sayılan dərisi, uzun, qəhvəyi