etməyə haqqı olduğunu düşünən insanlar yaradan cəmiyyətimizə eşq olsun! Səyləri nəticəsində mənə yaxalaya biləcəyim bir qatil verdilər. Eslində hər şey bəsit idi. Zəif iradəli insanlar hər şey ola bilərlər. Bir astronavtdan tutmuş, qatilə qədər. Öz arvadının itməsi ilə bağlı şikayətə bir dəstə ilə gəlir, ondan başqa hamı danışır, səsi cılız və inamsızdır. Əlbətdə bunlar bir insana qatil deməyə əsas verməz, lakin onu qatil edən səbəb haqqında çox şey deyər. 8 illik evli, uşaq yox və bu haqda şikayət belə yox. Biz insanların bir-birini hər şeyə rəğmən sevdikləri romantik filmlərdə yox, insanların sırf nəslini artırmaq üçün evləndiyi bir yerdə yaşayırıq. Bakının kənar məhəllələrinin birində Romeo yaranmadığına görə, demək ki, problem erdə imiş. Eh, sonsuz olan kişi belə olsa, “günahı” qadına atıb, bədəninin dözməyəcəyi ağır müalicələr etdirmək yeni bir şey deyil təbii ki. Əgər qorxduğu başqa şey yoxsa... “sonsuz” adı almaqdan daha qorxunc bir şey...”
- Siz nə etdiyinizi sanırsız?!
Sənəm masasına dəyən yumruqdan xəyal aləmindən ayrılsa da, bunu hiss etdirmədi. Özünü qarşısındakı kağızlarla məşğul kimi göstərib, sakit bir səslə soruşdu:
- Nəyi nəzərdə tutursuz?
- “Cinayətkar həyat yoldaşının boşanmaq istəyini öyrənincə impotent(cinsi iqtidarsiz) olduğu gərçəyinin yayılmasından qorxaraq həyat yoldaşını biçaqlayaraq qətlə yetirmişdir.” Bu nə deməkdir? Mən belə bir şey yazdığımı xatırlamıram!
Sənəm ona olduqca yaxın olan tünd yaşıl gözlərin qəzəbdən parıldaamsını böyük zövqlə izləyib, bir şey anlamamış kimi gözlərini iri açaraq dedi:
- Mən sadəcə sizin unutduğunuz real səbəbi eləvə etdim. Yanliş bir şey etmədim ki?
- Unutduğum?! Baxın, sizin həmin adamın həyətini izlmənizi ağac məsələsini doğru təxmin etdiyinizə görə bağışladım, amma bu artıq idi!
“Əslində “təxmin”i yataq otağının divarında xalça olub, yerdə olamaması və yerlərin təmiz olmasına borcluyam. (müəllif: Cəmilə Məmmədli) Qadını yataq otağında öldürüb, elə xalçaya büküb, basdırdığını təxmin