bunu çoxdan planlayanların. Dərman içmək isə... Dərman içənlərin böyük qismi qurtulur, onsuzda bu yol sadece kiminsə gözünü qorxutmağa yarayır. O bunu bilməli idi, hansı dozun onun öldürəcəyini də. Ya bu yeniyetmənin “mən də varam” deməsi idi, ya da həqiqətən birinin gözünü qorxutmaq...”
Sənəm Yusubovun hələ də ona baxdığını görüb, özünü topladı. Zorla gülümsəyib, düşündüklərini gizlədərək dedi:
- Sabah, sabah bitirəcəm. Indi icazənizlə gedim.
Yusubovun kinayə ilə gülümsəyən üzü birdən qaraldı. Saata gözucu baxıb, cəld:
- Amma iş vaxtı bitməyib, hara gedəcəksiniz?
Sənəm çantasından kağız çıxarıb, ona uzatdı:
- Buyurun, həkimdən rəy aldım.
Yusubov kağıza ötəri nəzər yetirib, Sənəmə ittiham edirmiş kimi baxaraq:
- Doğurdan? Neçəyə aldız?
- Detallara ilişməyin cənab. Burda da yazıldığı kimi, evə gedib dincəlməliyəm.
Sənəm çantasınıda götürüb, çıxışa tərəf getdi. Yusubov bir neçə saniyəlik nə edəcəyini bilməyib uruxsa da, özünə gəlib cəld Sənəmin biləyindən tutdu. Sənəmin təəccüblə ona zillənən baxışları altında əzilib, sözləri ağzında gəvələyərək dedi:
- Mən...deyirəm bəlkə...biz, ikimiz bir yerdə...qəhvə içək...
Sənəm gözlərini geniş açıb, eşitdiklərinə əmin olmaq üçün diqqətlə Yusubova baxdı. biraz təlaşlı görünsə də, zarafat etmədiyi bəlli idi. Bunu anlayan Sənəm güclə udqunub, biləyini ondan xilas edərək:
- Mən qəhvə sevmirəm. Elə bilməyinki sizə görə rədd edirəm, xoş siz əvəzinə daha yaraşıqlı, daha ağıllı, daha uzun, daha mədəni, daha...
- Anladıq. Zəhmət çəkməyin.
Sənəm qalib gəlmiş kimi gülümsəyib, artıq əsəbi görünən Yusubova baxdı. Tək kəlimə etmədən binadan çıxdı. Onun çıxması ilə Yusubovun otağına qaçıb, telefonunu götürməsi bir oldu. Nömrəni tələsik yığıb, qulağına apardı.
- Bu nömrəyə zəng ça...
Yusubov operatorun səsini eşidib, əlaqəni kəsdi. Kreslosuna çöküb, əli ilə başını tutdu...
Sənəm pilləri iki-iki qalxıb, üçüncü mərtəbəyə qalxdı. Mənzilinə çatıb, diqqətlə qapıya baxdı. Kilidli olsa belə, qıfıldakı ciziklər