n arxivlərə baxmalıyıq. Mən ipləri, lazerləri, qulaq çiplərini hazırlayıram, siz də damlara dırmaşıb, şüşə tavanları kəsirsiz.
Bayaqdan səssizcə divara söykənən Yusubov, biraz irəli gəlib, kinayəli tonda dedi:
- Sonra da jetlərimizə minib, Havai adalarına qaçarıq hə? Bu alətlər Amerikan kinolarını izləməyin üçün deyil.
Emin uşaq kimi dodaqlarını büzüb, çiynini çəkərək mızıltıya bənzər səslə dedi:
- Yaxşı... Onda sadəcə insanların diqqətini çəkəcək şəkildə geyinib, bir başa içəri girərək bitirərik. Bunun üçün sən qısa ətəkli bir sarışın olmalısan. Hamının onlardan zəhləsi gedər, amma heç kim onlardan bir şey soruşmaz.
Sənəm Eminin barmağını ona tuşladığını görüb, cəld ayağa qalxaraq əsəbi şəkildə:
- Nə yəni, sırf qadınam deyə qısa geyinib diqqətləri dağıtmalıyam?!
Emin gülümsəyərək, bu səfər Yusubovu göstərib:
- Əmin ol, onu qısa ətəklə görmək istəməzsən. Təcrübə danışır.- deyib, yenə lövhəyə döndü.
Sənəm astaca ofuldayıb, gözlərini süzdürdü. Birdən baxışları əsəbdən bozarmış Yusubova ilişdi. Gülümsəməsini dayandıra bilmədi. Yusubov bunu hiss edib, cəld ona yaınlaşaraq dedi:
- Dediklərinin hamsının şit zarafat olduğunu bilirsiz hə?
Sənəm çiyinlərini çəkib:
- Başqalarının seçimlərini sorğulamaq mənə qalmayıb.- deyib, Yusubovun dəhşətə düşmüş baxışlarına fikir vermədən Eminə yaxınlaşdı.
Onun həvəslə lövhəyə bir .eylər qaralamasını izləyib, pıçıltılı səslə soruşdu:
- Bütün bunlar bitdikdə, hər şeyi öyrəndiyimizdə nə olacaq?
- Öləcəyik...
İNDİ:
Sənəm flaşkartı kompyuterin uyğun yerinə taxıb, əkrandakı hər şeyin bulanıqlaşmasını izlədi. Bu bir ay ərzində artıq 6-cı idi bu. Bütün dövlət kitabxanalarının və idarələrinin arxivlərinə baxmışdılar. Amma bir şey çıxmamışdı. Indi də ekrandakı yazıların bitib, yenə əvvəl ki hala gəlməsi ilə flaşkartı çıxartdı. Saçlarının arasına bərkidib, ayağa qalxdı. Otağa son dəfə göz gəzdirib getmək istəyirdi ki, bir şey diqqətini çəkdi. Geniş otağın digər tərəfində, tavanda bir şeylər parıldayırdı.