a baxıb, eyni sərtliklə dedi:
- Niyə bunu edirsən?
“Niyə bunu edirəm? Deyəsən bu sualın cavabını heç özüm də bilmirəm. Macəra? (müəllif: Cəmilə Məmmədli)Bunun üçün dağa dırmaşma daha uyğundu. Əyləncə? Sanki heç bar və ya diskosu olmayan bir ölkədə yaşayıram. Maraq? Kainatın sirri olmadıqca heç bir şey bu təhlükəyə dəyməz.. Niyə edirəm axı? Nə bu qədər cəsuram, nə də güclü. Niyə?”
Sənəm baxışlarını yerdən qaldırıb, Yusubova baxdı. O hələ də cavab gözləyirdi. Səsindəki titrəməni gizlətməyə çalışıb, sakit şəkildə dedi:
- Çünki təkəm. Hara baxsam, kimi görsəm hamsı mənə yaddır. Heç bir yerə aid olmadığını hiss etdin? İnsanların yanımdan keçib gedib öz həyatlarını yaşamalarını izləyirəm. Adi şeylərə kədərlənirlər, mənasız şeylərə gülürlər, axmaq insanlara aşiq olurlar və sonda hamsı ölürlər. Nə qədər çalışsam da, onlardan biri ola bilmirəm. Mən sadəcə yadam. Əgər yadamsa, buraya aid deyiləmsə itirəcək bir şeyim də yoxdur. Heç nəyim...
Sözünü bitirən Sənəm Yusubovun ona zillənmiş baxışlarına fikir vermədən çevrildi. Əlindəki meyvəli qatığın qapağını açıb, ac gözlüklə yeməyə başladı. Amma boğazını düyümləyən bir şey vardı...
*****
- Alan Eisonhower, Jacob Cohan, Aleksandr İvanov- bunlar lahiyənin qurucularından 3 alim. Bu an əlimizdə olan təkcə Alan Eisonhowerin ailəsinə göndərdiyi məktublar, o da Alhmanikə görə əlimizdədir. Digərlərinin də ailələrində məlumatlar ola biləcəyindən şübhələnirəm. Biz indi…
- Amma 4 alim vardı.- deyib, Eminin sözünü kəsən Sənəm sual dolu baxışlarını ona zillədi.
Emin başını yelləyib, masanın üzərinə alimlərin sayına uyğun düzdüyü duzlu krakerlərə nəzər saldı. Paketdən bir duzlu kraker daha çıxarıb, Sənəmin gözü qabağına tutaraq;
- Bu da 4-cü alim.- deyib, krakeri ağzına atıb, yeyərək davam etdi:
- Amma... onun adı heç yerdə çəkilmir. Bilmirik niyə. Yoxdu sadəcə.
Sənəm anlamış kimi başını yelləyib, masaya göz gəzdirərək kinayəli bir tonda dedi:
- Hər şeyi anladım da, belə planlama olur. Nə vaxtdan nəzarətçilər