” sonluğu kişilərdə, “ovna” sonluğu qadınlarda istifade edilir. Misal:Petrovna-Petrov qızı.
Sənəm nəfəsini saxlayıb, olduqca yavaş çevrildi. Kitabı hər ehtimala qarşı daha bərk sıxıb, gözlərini yerdən qaldırdı. Ayqqabılarından başlayaraq incələdiyi bu adamın ev sahibi olmadığını anlamışdı. Kip, qara kostyumuna uyğun ağ köynək, arxaya doğru daranmış saçlar, silahı qətiyyətlə, lakin xususi bir incəliklə tutan əllər... Şeytani işıqla parıldayan qəhvəyi gözləri isə, Sənəm 100 il keçsə belə tanıyardı. Sənəm ağzını açıb, bir kəlmə demək istəyirdi ki, Emin cəld əlindən kitabı qapıb, pencəyinin döş cibində gizlətdi.
- “Cənab Aleksey, görürəm ki xanımı sorğulamağa başlamısınız belə.”
- “Əlbətdə. Uzun müddətdir onu izləyirdim.”
“it oğlu it! Plan içində plan qurub, məni yem olaraq önə çəkibmiş. “
Sənəm başını aşağı salıb, əsəbi şəkildə dodaqlarını çeynəyirdi. Emin isə otağa girən ev sahibinə gülümsəyərək baxıb, silahı aşağı saldı. Ona tərəf dönüb, özündən əmin şəkildə:
- “Sizi təbrik edirəm, həqiqətən də vəzifənizə layiqsiniz. Xanım təhlükəli biri deyil, sadəcə burnunu hər yerə soxmağı sevən biridir. İndi mənimlə gedəcək.”- deyib, Sənəmin biləyindən tutub özünə tərəf çəkdi.
- “Əsl sizə təşəkkür. Məni vaxtında xəbərdar etdiniz. Sayənizdə bu xanımın əsl niyyətindən xəbərim oldu”
Emin yüngülcə başını əyib, təvəzökarlıqla gülümsədi. Sənəmin biləyini sıxıb, dedi:
- “İcazənizlə biz gedək. Xanıma veriləcək çox sualımız var.”
2 SAAT ƏVVƏL:
Sənəmin ofisdən çıxmasından 10 dəqiqə keçməmiş qapı döyüldü. “girin” sözü eşidildikdən sonra, içəri kostyumlu gənc bir oğlan girdi. Döş cibindən vəsiqəni çıxarıb, yuxarı qaldırdı.
- “Mən milli təhlükəsizlikdən Aleksey. Bir saxtakar haqqında sizi xəbərdar etməliyəm.”- deyib, gülümsədi...
İNDİ:
Villanın geniş həyətindən çıxdıqdan sonra Sənəm qolunu sərt şəkildə çəkdi. Emin isə dayanıb, ona məsum-məsum baxaraq:
- Əla keçdi hə? Deyəsən yatanda verdiyim “good luck” öpüşü işə yaradı.- Deyib, Sənəmin ona uzun-uzun baxdığını