görüb davam etdi:
- Biri sənə 8 saniyədən çox baxırsa ya səninlə sevişmək istəyir, ya da öldürmək.
Sənəm qollarını sinəsində çarpazlayıb, əsəbi şəkildə gülümsəyərək:
- Mən ikincisini istəyirəm.
- Əmin ol, məni öldürdükdən sonra sevişmək ləzzət etməyəcək.
- Mən yoxlayaram. Əsl planın məni yem etmək idi hə?
Emin çiyinlərini çəkib, heç nə olmamış kimi yeriməyə davam etdi. Sənəmin arxasınca gəlmədiyini anladıqda dayanıb, yanakı arxaya baxdı. Gülümsəyib, pıçıltaya bənzər səslə dedi:
- Buna öyrəşməlisən. Mənim işim bu.
“ Öldürmək istədiklərim sırasında birinci yer. Amma haqlıdır.O adam məndən şübhələnirdi, inamını qazanmanın tək yolu şübhələrini doğru çıxarmaq idi. Məni qurban etsə belə, ən azından o adamən sonsuz güvənini qazandı. Indi istədiyini ona verəcək. Bu ara da, kostyumda pis görünmür ha. İlk dəfə bir kişi kimi yaraşıqlı və ... Bir dəqiqə, “yatanda verdiyim “good luck” öpüşü” dedi o?! Mən sənə yatanda “good die”* öpüşü verəcəm indi! Şeytan, əsl şeytan!”
******
Masanın ətrafı kağızlarla dolu idi. Emin və Yusubov bu çertyojları tək-tək və diqqqətlə araşdırırdılar. Amma bir şey tapmadıqları üzlərindəki ifadədən bəlli idi. Yusubov gözündəki eynəyi çıxarıb, əsəbi şəkildə masaya çırpdı. Son kağız topasını da qabağında itələyib, bezgin şəkildə dedi:
- Bunlardan heç nə çıxmadığına inana bilmirəm. Hamsı boşdu, lahiyəyə aid heç nə yoxdu.
Emin belə gülümsəyə bilmirdi. Yuxusuzluqdan qızarmış gözlərini ovuşdurub, stula yayxanaraq gərnəşdi. Divarın dibindəki divana əyləşib, əlindəki kitabdan gözlərini çəkməyən Sənəmə baxıb dedi:
- Şəhzadə, o kitabı çox sevdin deyəsən. Burda qarşında gözəllik var və sən ona yox, köhnə kitaba baxırsan.
Sənəm xəyal aləmindən ayrılaraq başını qaldırdı. Eminin qarşısındakı kağızları işarə etdiyini görüb, gözlərini çəkdi. Yenə gözlərini əlindəki kitaba zilləyib, pıçıltıya bənzər səslə dedi:
- Bir alim niyə İncil oxusun ki?
Ayağa qalxıb, asta addımlarla Eminə yaxınlaşdı. Əlini ona uzadıb, dedi:
- Alışqan.
Onun