ı mənə lazım deyildi, amma qarşı qonşusu haqqında eşitdiklərim...
- Bu da sizə istədiyiniz dəlil!
Yusubov başını qaldırıb, boş nəzərlərini masasına telefonu çırpıb, çətin nəfəs alan Sənəmə dikdi. Istifini pozmadan, əlindəki kağızları oxumağa davam edib:
- Qapını döymədən girdiniz və 5 dəqiqə gecikdiniz.
Sənəm hədəqəsindən çıxmış gözlərlə Yusubova baxıb, ciddi olduğunu anladıqda qaşlarını çatdı. Yenə özünə təlqinlərdən birini edib, gülümsəməyə çalışaraq dedi:
- Üzr istəyirəm, bir də olmaz. Bu da Mətanət Cəlilovanın cinayəti haqqında dəlil.
Yususov masanın üstündəki telefonu götürüb, səsyazmanı açdı. Bir qadın qarşı qonşularının həmişə dava etdiyini danışırdı. Sona qədər dinləmədən dayandırıb, soyuq səslə:
- Sayılmaz.
- Nə?! Niyə?!
- Hər ailədə dava olur, bu cinayətə səbəb verməz. Həm qadın şahid olaraq sayılmır, çünki həm hadisə yerində deyildi, həm də əminəm ki, ona səsinin yazıldığını demədiniz.
Sənəm biraz tutulub geri çəkildi. Lakin yusubovun özündənrazı təbəssümünü görüb, özünü toplayaraq sərt şəkildə:
- Amma qadının dediyi dava, Mətanət Cəlilovanın itdiyi günə təsadüf edir. Dava zamanı ər həyat yoldaşını öldürə bilər, bu çox rastlanan haldı.
- Detallara çox ilişirsiniz xanım. Qadınların yüksək səslərinin və durmadan deyinmələrinin cinayət səbəbi ola biləcəyini inkar etmirəm, amma ərinin onu öldürdüyünə heç bir sübut və ya səbə görmürəm.
“ qadınların yüksək səsləri və deyinmələri hə? bunu etmək əvəzinə, kişilərin ciyərlərini sökmələrini mən də istəyərdim! Bu adamı öldürməməyim üçün məni tutun! Ya da tutmayın, niyə tutursuz ki?!”
Sənəm bir addım irəliləyib yumruqlarını düyünlədi. Yusubovun olduqca sakit görünən üzünə baxıb, sakitləşməq üçün dodaqlarını çiynədi. Addımını geri atıb:
- Bəlkə də qadınların qışqırmasının və deyinməsinin səbəbi sakitləşmələridi. Bunları etməsəydilər kişi cinsinin növü 1 saata kəsilərdi çünki!- deyib otaqdan çıxmaq istəyirdi ki:
- Dayanın.
Geriyə dönüb, Yusubovun əlində öz telefonunu görüb duruxdu.