oxumasalar belə. Yəni bizim xanım “qızılsuyuna batırılmış donuzcuq” mənim anlamadığım bir dəhaya sahibdir yəqin ki. Baxsanıza, bolca ensklopediya var. Amma kiçik bir problem var, eyni cild kitabdan 2 dənə var. Bilirəm, görməmişlikdən 2 ər belə ala biləcək tipdir. Amma eyni kitabdan iki dənə almaq? Burdakı bütün kitablarda yazıdan çox, toz var. Amma bu sıra... O qədər təmizdir ki. Dekordan başqa bir şey olmadığı bəllidir.”
Sənəm rəfin arxasındakı boşluğa gizlənmiş kassaya baxıb gülümsədi. Pencəyinin iç cibindən kiçik aləti çıxarıb, maqnitli tərəfini kassanın qapağına yapışdırdı. Kiçik düyməni basıb, alətin ekranında rəqəmlərin durmadan dəyişməsini izlədi. Birdən dəhlizdən gələn səs-küyü eşidib diksindi. Ev sahibəsinin zil səsi bütün səsləri ötdüyündən bir şey anlaya bilmirdi. Qapının aralığından nə baş verdiyini öyrənmək istəsə də, aləti qoyub uzaqlaşa bilməzdi. Səslərin getdikcə yaxından gəldiyini görüb, cəmi 2 rəqəmi sabit qalan ekrana baxdı. 6 rəqəm daha vardı. Gözləmək üçün vaxtı olmadığını anlayıb, cəld alətin deyməsini basıb, kassadan qopardı. Yerinə gizlədib, əyilib yerdəki kitabları topladı. O qucağında çətinliklə saxladığı ağır kitabları yerinə yerləşdirməyə çalışdıqca, qapının ağzında səs-küy və addım səsləri eşidilirdi. Artıq qapının dəstəyi aşağı çəkildikdə, son kitabı yerləşdirməyə çalışırdı. Amma kitab titrəyən əllərindən sürüşüb yerə düşdü...
Artıq qapının dəstəyi aşağı çəkildikdə, son kitabı yerləşdirməyə çalışırdı. Amma kitab titrəyən əllərindən sürüşüb yerə düşdü. Qapı zərblə açıldı. Sənəmin son anda geriyə çəkilsə də, heç onun nə etdiyi ilə maraqlananlar yox idi. Girənlər xüsusi təyinatlılar idi. Rəngi ağarmış Sənəmi çölə çıxarıb, kitabxanadakı hər şeyi qutulara doldurmağa başladılar. Sənəm nə olduğunu anlamağa çalışsa da, imkansız idi. Hər şey o qədər tez və ani idi ki. Ev sahibəsi belə təəccübdən sadəcə mənasız qışqırıqlarla kimin arvadı olduğunu sayıqlayırdı. Bayaqdan açmağa çalışdığı kassanın boşaldılıb qutulara qoyulması sənəmin bütün