burdadır.)
Bunu eşidən qadın, ayağa qalxdı. Eminə tərəf addımlayıb, gülümsəyərək dedi:
- Salam. Mən Lalə, yeni köməkçiniz.
Eminin sual dolu gözlərini ona dikdiyini görən kişi, başı ilə təsdiqləyib dedi:
- I think your need assistant.(Sənin köməkçiyə ehtiyacın olduğunu düşündüm.)
- Thanks.- deyən Emin, baxışlarını qıza dikib davam etdi:
- Mənim adım da, Jack. Tanışlığımıza şadam. Sizin kimi gözəl bir xanımla işləmək böyük şərəfdir. Gəlin sizə işləyəcəyimiz yeri göstərim.
Yaşlı kişi də başı ilə razılıq bildirdikdən sonra, Lalə ona qapını açan Eminin önünə keçdi. Birlikdə liftə ilərləyib,düyməsini basaraq tək kəlimə etmədən gəlməsini gözlədilər. Sadəcə Emin arada oğrun baxışlarla Laləni süzürdü. Sonun da liftin qapıları açıldıqda, ikisi də içəri keçdi. Emin zirzəminin düyməsini basdı. Lift öz sürəti ilə aşağı enirdi və onun səsini eşidəcək qədər səssizlik vardı. 6-cı mərtəbə...5-ci mərtəbə...4-cü mərtəbə....3-cü mərtəbə... və 2-ci....
Qulaqları cingildədən metal səsindən sonra, lift silkənərək dayandı. Elini stop düyməsindən çəkən Emin, ani hərəkətlə Lalənin qarşısına keçdi. Qaşlarını çatıb, bəlkə də ilk dəfə bu qədər əsəbi tonda dedi:
- Sənin burda nə işin var?!...
Sənəm yerə dikdiyi baxışlarını astaca qaldırıb, Eminə baxdı. Şabalıdı linza belə gözündəki sevinc qığılcımlarını gizlədə bilmirdi. İlk dəfə idi ki, Emini əsəbləşdirə bilmişdi və bundan zövq alırdı. Bədənini dik tutub, düz Eminin gözlərinə baxaraq özündən əmin tonda dedi:
- Mən Sənəm və sən səfehsən. Burda olduğunu özün mənə demişdin....
Emin nə dediyini anlamamış kimi Sənəmə baxdı. Birdən nə baş verdiyini anlayıb gülümsədi...
****
Bir həftə əvvəl:
Sənəm qapını açıb, evinə girdi. Boş və soyuq mənzilə göz gəzdirib, yatağına tərəf addımladı. Paltarını dəyişmədən çarpayıya uzanıb, gözlərini tavana dikdi. Boz mavi gözləri yenə tutqunlaşmışdı... Gözləri yavaşca yumulurdu. Amma bu yuxu deyildi, sadəcə keçmişini xatırlayırdı. Əslində xatırlayacaq o qədər də çox şey yox idi...