Aç mənə qolunu qanadlı
quştək
Süz görüm gülüzlü yar, qurban olum.
Çox şükür Allahın qüdrətinə ki,
Qəlbində məhəbbət var, qurban olum. Eşqinin yolları dolanba-dolan,
Bir üzü doğrudur, bir üzü yalan.
Mənim min dərdimə bir dərman olan,
Sinəndən asılıb nar, qurban olum. Indi sil gözümdən süzülən yaşı,
Qoyma buz bağlaya köksümün başı.
Vədəsiz gətirib ömrümə qışı,
Yağdırma saçıma qar, qurban olum. Tərsinə yazılır yazılar indi,
Ovçuya fit çalır tazılar indi.
Min oyun çıxardır qazılar indi,
Sərçəyə naz atır sar, qurban olum. Yüyənsiz at minmə, atdan düşərsən,
Hər oda qızınma addan düşərsən.
Şirəni çəkərlər daddan düşərsən,
Olarsan bu eldə xar, qurban olum. Nəfsinə hakim ol, sözünə ağa,
Quş kimi gəl uçma hər güllü bağa.
Evin kişisini tanıt qonağa
Nə qədər versəndə bar, qurban olum. Ədalət, yazdığın qızıldı, ləldi,
Bas niyə zəmanə tərsinə gəldi.
Erkəylər düyədi, dişilər kəldi,
Qoy buda tez olsun car, qurban olum