Tərkibi (4-6 əd.):

tantuni:
1 kq az yağlı qiymə
1 ç.q. qara istiot
1 ç.q. duz
1 ç.q. pul bibər
1 ç.q. zirə
ədviyyat (zövqə görə)
lavaş

soğan salatı:
3 baş ağ soğan
yarım dəstə cəfəri
3 pomidor
sumax
duz
limon suyu

Qiyməni vam odda 15 dəqiqə, suyunu buraxıb çəkənə
qədər bişirin, sonra az-az su əlavə edin, tam bişdikdən
sonra ocaqdan götürün. Vam odda bişməsi önəmlidir.
Ət bişən müddətdə soğan salatını hazırlayın. Soğanı
soyub nazik doğrayın. Bir az duz qatıb əlinizlə ovun,
acısı çıxsın deyə çoxlu suyla yuyun.
Soğanın suyunu süzün, sumax qatıb əlinizlə qarışdırın.
Cəfəri və pomidorları doğrayın, limon şirəsi, duz qatıb
qarışdırın.
Bişmiş ətə duz, ədviyyat qarışdırın, lavaşın ortası boyu
ət və soğan salatı qoyun, dürmək kimi bükün.