Yaxşılıq ilə azad adamı qul etmək olar.
- Adam yanında kiməsə öyüd nəsihət vermək onu danlamaq deməkdir.
- Hər kəs öz dilinin altında gizlənib.
- Zülm edən,zülm edənin zülmünə razı olan və zülm edənə kömək edən şəxslərin hər üçü zalım və zülmdə şərikdirlər.
- Hər bir insanın qiyməti onun elmi,biliyi qədərdir.
- İnsan iman vasitəsilə bəyənilmiş işlərə tərəf istiqamətlənir.
- Ən yaxşı geyim saglamlıqdır.
- Ən qorxulu düşmən niyyətini gizli saxlayandır.
- İzzət istəyirsənsə,onu Allaha itaətdə axtar.
- Ağlın zəkatı cahillərə dözməkdir.
- Günahkarın bağışlanmasına vasitəçilik edən şəxs ehtiyacı olan adamın qanadıdır.
- Əsilzadəliyin,ləyaqətin ən yaxşısı xoş xasiyyətli,gözəl əxlaqlı olmasıdır.
- Söz danışan şəxsə baxma,onun danışdığı sözə nəzər et.
- Dil vəhşi heyvana bənzər:azad buraxsan ilan kimi çalar.
- Dözümlülük ağlın kamilliyidir.
- Öz günahından başqa heç nədən qorxma,öz Rəbbindən başqa heç kəsə ümid bağlama.
- Xoş o kəsin halına ki,arzuları qısadır və ömrünü qənimət sayır.
- Hər kəs səndən xeyir umursa onu ümidsiz etmə.
- İnsanların ən bəsirətlisi öz eyblərini görən və öz günahlarından əl çəkəndir.
- Yaxşılıqlardan ən üstünü bizi sevmək,pisliklərdən ən pisi isə bizə ədavət bəsləməkdir.