˝Əgər məndən soruşsanız ki, “həbs düşərgəsində əldə etdiyin ən böyük təcrübə nədir?”. Mən deyərəm ki, “biz insanı indiyə kimi heç bir nəslin tanıya bilmədiyi, görə bilmədiyi bir halda-tam çılpaqlığı ilə tanıdıq”. “Bəs sənin tanıdığın bu insan əsl mahiyyəti ilə kimdir və sən onu necə tanıdın?” desəniz, deyərəm ki, “Bu insan hər an qərar qəbul edən azad iradəli bir varlıqdır. O insan hər bir şəraitdə son qərarı özü üçün saxlayır, son qərar həmişə onundur. Ondan başqa, heç kimin”. “Yaxşı, bu insanı necə qərarlar qəbul edən gördün?” soruşsanız, deyərəm ki, “Bu insan eyni növdən olan özü kimi insanları öldürmək üçün qaz kameraları kəşf edən bir məxluqdur. Lakin bu məxluq, eyni zamanda, qaz kameralarına özünü dostunun yerinə irəli verərək, başı uca, dilində Allaha dua edərək, ölümdən qorxmayaraq gedən biridir”.... (