şəhadət vermişlər.
Habelə həzrət Əli (əleyhis-salam) bu hədisin doğruluğuna
şəhadət verməkdən boyun qaçırdanlara nifrin etmiş və onun
nifrini o kəsləri tutmuşdur.
Belə ki, bu nifrinə düçar olub kor olan, bərəs (bir növ dəri
xəstəliyi) və sairə bu kimi xəstəliklərə tutulan səhabələrin adı
tarixdə qeyd olunubdur.
İndi əgər “Qədir-Xum” hədisindəki “mövla” və “vəli”
sözünü “məhəbbət bəsləyən” və ya “köməkçi” kimi
mə`nalandırsaq, yuxarıdakı məzmunlu hədisləri qəbul etmək
qeyri-məntiqi və əsassız olar.
Beləliklə demək olar ki, “Qədir-Xum” hədisində “vəli”-lik
məsələsi islam ümmətinin rəhbərliyi və imamət məsələsidir.
Bununla da bu hədisdə “mövla” və ya “vəli” sözünün
«rəhbər» və «başçı» mə`nasında deyil, başqa mə`nalarda
işləndiyini iddia etmək tam insafsızlıq olub, mö`təbər sübut və
şahidəlrin əksinədir.
Əhli-beyt (əleyhimus-salam)-dan nəql olunmuş bir çox
hədislərdə də bu sözü təsdiq edir. Necə ki, aşağıdakı hədisdə
oxuyuruq:
ﻋَﻦْ ﺍَﺑِﻰ ﺍِﺳْﺤَﺎﻕ ﻗَﺎﻝَ : ﻗُﻠْﺖُ ﻟَﻌَﻠِﻰٌّ ﺑْﻦِ ﺍﻟْﺤُﺴَﻴْﻦ ﻋَﻠَﻴْﻪِ ﺍﻟﺴَّﻼَﻡ : ﻣَﺎ
ﻣَﻌْﻨَﻰ ﻗَﻮْﻝِ ﺍﻟﻨَّﺒِﻰِّ ﺻﻠﻰ ﺍﻟﻠﻪ ﻋَﻠَﻴْﻪِ ﻭَﺁﻟِﻪِ ﻭَ ﺳَﻠَّﻢ : ﻣَﻦْ ﻛُﻨْﺖُ ﻣَﻮْﻻَﻩُ
ﻓَﻌَﻠِﻰٌّ ﻣَﻮْﻻَﻩُ؟ ﻗَﺎﻝَ : ﺍَﺧْﺒَﺮَﻫُﻢْ ﺍَﻧَّﻪُ ﺍﻟْﺈِﻣَﺎﻡُ ﺑَﻌْﺪَﻩُ
“Əbu İshaq belə nəql edir ki, imam Zeynul-Abidin
(əleyhis-salam)-dan soruşdum: Peyğəmbər (səlləllahu əleyhi
və alihi və səlləm)-in buyurduğu – “Mən hər kimin
mövlasıyamsa, Əli də onun mövlasıdır” – cümləsinin mə`nası
nədir?
İmam Zeynul-Abidin (əleyhis-salam) buyurdu: “Həzrət
Peyğəmbər (səlləllahu əleyhi və alihi və səlləm bu xitabı ilə)
camaata çatdırdı ki, Əli (əleyhis-salam) ondan sonra imam
və rəhbərdir.” [29]
Haris ibni Nö`man Əl-Fəhrinin əhvalatı
Şiə və sünnü məzhəblərinin hədis və təfsir kitablarında
nəql olunur ki, “Qədir-Xum” hədisindən sonra Peyğəmbərin
(səlləllahu əleyhi və alihi və səlləm) həzrət Əli (əleyhis-
salam) barəsində buyurduğu “Mən hər kimin mövlasıyamsa,
Əli də onun mövlasıdır” -sözü şəhər və kəndlərə yayıldı.
Haris ibni Nö`man Əl-Fərhi bu sözü eşidən