Sevdiklərimiz hara gedir
Ətrafa dönüb baxdıqda bu ifadənində düzgün olduğunu qəbul etməli oluram. Sevgilisi tərəfindən tərk edilmiş bir oğlan bu hadisədən sonra güclü olur. Artıq hər qadını öz qəlbinə yaxın buraxmır. Addımlarında ehtiyatlı olur. Bəzən isə tam əksinə. Məsələn əsgərlikdə olan bir oğlan sevgilisindən "bağışla daha səni gözləyə bilmirəm, ərə gedirəm” kimi məktub aldıqda buna dözə bilmir və özünə belə qəsd edə bilir və ya hərhansı bir axmaqlıq edir.
Əslində isə hər iki halda tərk edilmiş oğlan ölür. Birinci nümunədə mənəvi olaraq olan insan ikinci nümunədə fiziki olaraq ölür. Kişilər bunu nə qədərdə gizlətsələr əslində onların əksəriyyəti ömürlərində cəmi bir qadını sevirlər. Və əgər bu qadın onun istədiyi kimi olmadıqda, kişinin qəlbinin dərikliklərində nəsə qırılır. Beləliklə ortaya hamıya məlum olan qızbaz oğlanlar çıxır. Gündə bir qızla danışan, gündə bir qızla gəzən lakin qəlbi qırıq bir oğlan. Əksər qızların isə məhz elə belə oğlanlar xoşlarına gəlir.
Bütün hallarda özünüzə ömür yoldaşı seçərkən, sevmək istədikdə münasibətlərinizi ilk öncədən qərarlaşdırın. Hələ gec deyilkən qarşı tərəfi sınaqlardan keçirin və o insanın sizin axtardığınız tək insan olduğundan əmin olduqdan sonra ona hisslərinizi etiraf edin. Xasiyyətlər eyni ola bilər lakin bu o demək deyil ki, iki eyni xasiyyətli insan bir yerdə daha yaxşı ola bilər. Münasibətdə əsas olan anlayışdır. Adətən sevərkən insan almaq əvəzinə verir. Lakin unutmayın ki, sizdə insansınız sizdə sevgi və qayğı görməlisiniz. Heç vaxt qarşı tərəfi ilahiləşdirməyin, əks halda bu pis nəticələr verir. Və çalışın ayrılarkən bir birinizin qəlbini qırmayın çünki həyat təcrübəsi göstərir ki, ayrılan insanlar zaman keçdikdən sonra yenidən üzləşir.