Allah, sən bizləri şeytandan qoru.
Hər yerdə atılır, şeytanın toru.
İtaət fərq etməz, ədəbi, loru
Dilimiz eynidir, qəlbimiz duru.

Şeytanı qovarıq, söyləsək əgər,
Dünyada yalnızca, Allahdır Əkbər!
Ər-Rahmən, tək sənsən, rəhminlə uca.
Günah əməlimiz, var bizim bunca.

Xeyir əməllərdən, bizlər doyunca,
Əmr et öldür bizi, buyur Əl-Qabiz.
Şeytana uyub, günah eyləmədən biz.
Əl-Hadi, hidayət eylə bizlərə.

Yolumuzdan azdıq, yollar dağ-dərə.
İman gətirdikdə, biz Əz-Zahirə,
Doğru yolu tapıb, haqqa gedirik.
Əş-Şükür, sənə çox şükür edirik.