etdiyini vurğulamışdır. "Həmçinin (Hud peyğəmbərin qövmü) Adda, onlara qısır (heç bir xeyiri olmayan və yalnız şər doğan) külək göndərdiyimiz zaman (onların başlarına gələnlərdə Bizim qəzəb və qüdrətimizə dəlalət edən nişanələr vardır)". ("Zariyat" 41). İmam Zaman (ə) haqqında da deyilir ki, Allah Həzrətin (ə.f) müxaliflərini qara küləklə məhv edəcəkdir.

Həzrət İbrahimə (ə) bənzərliyi.
Həzrət İbrahim (ə) öz dinini Nəmrudun təqiblərinə görə, gizli şəkildə təbliğ edirdi. İmam Zaman (ə.f) da dövrünün zalım xəlifələrinə görə imamətini gizli şəkildə yerinə yetirirdi. Həzrət İbrahim (ə) Nəmrudun əmri ilə atəşə atılır, Cəbrayil (ə) isə onun üçün behiştdən libas gətirir və Allahın izni ilə o, atəşdən nicat tapır. Hədislərdə oxuyuruq ki, İmam (ə.f) zühur edən zaman həmin libasda zühur edəcəkdir.

Həzrət Luta (ə) bənzərliyi.
Quranın buyurduğu kimi, Allah Həzrət Lutu (ə) qorumaq üçün yerə mələklər göndərir. "(Mələklər) dedilər: «Ey Lut, biz sənin Rəbbinin elçiləriyik. Onlar səni əsla ələ keçirə bilməzlər". ("Hud" 81).
Hədislərdə oxuyuruq ki, İmam (ə.f) zühur edən zaman mələklər ona yardım etmək üçün yerə enəcəklər.

Həzrət Yusifə (ə) bənzərliyi.
Həzrət Yusif (ə) öz zamanının ən gözəl insanı idi. İmam Zaman (ə.f) da öz əsrinin ən gözəl insanıdır. Allah Təala Həzrət Yusifi (ə) bir gecədə zindandan çıxartdı və həmçinin İmamın (ə.f) tərəfdaşları da bir gecədə uzaq yerlərdən gəlib onun ətrafında toplaşacaq və Həzrət (ə.f) bütün dünyaya hakim olacaqdır.

Həzrət Xızıra (ə) bənzərliyi.
Allah Təala Həzrət Xızırın (ə) ömrünü uzatmış və o, hələ də sağdır. İmam (ə.f) da Allahın izni ilə uzun ömrə malikdir. Həzrət Xızırın (ə) əsl adı Bəliyadır. Onu Xızır adlandırmaqda məqsəd odur ki, o harada namaz qılsaydı, həmin yer yaşıllaşardı. Nə zaman quru çubuğun üzərində əyləşsəydi, onun üzərində budaqlar və yarpaqları əmələ gələrdi. Hədislərdə oxuyuruq ki, Həzrət hansı diyardan keçsə, o, diyarda bulaqlar qaynamağa başlayacaqdır. Hər yer abadalaşacaqdır.

İmamın (ə.f) müqəddəs