İmam Zaman ağanın (ə.f) İlahi peyğəmbərlərlə (ə) oxşarlığı

Allah Təala Ağanın (ə.f) zühurunu tezləşdirsin və bizlər də dünya gözü ilə bu zühurun şahidi olaq.

İmam Zaman ağamız (ə.f) haqqında hər nə qədər desək və yazsaq, yenə azdır. İmam Zaman (ə.f) elə bir şəxsiyyətdir ki, bəşərin bütün yaxşı xüsusiyyətləri onda cəm olmuşdur. Bütün peyğəmbərlərin və övliyaların sifətləri onda toplanmışdır. O, Allah bəndəliyinin rəmzidir.

İmam Zaman ağa (ə.f) ilə İlahi peyğəmbərlərə (ə) bənzərliyi.
Həzrət Adəmə (ə) bənzərliyi.
Allah Təala Həzrət Adəmi (ə) Yer üzərindəki xəlifəsi qərar vermişdir. Quranda onun haqqında belə buyurur: "Və (yadına sal) o zaman(ı) ki, Rəbbin mələklərə dedi: «Həqiqətən Mən Yer üzündə bir canişin (Allahın oradakı nümayəndəsi, ya da oranın nəsli kəsilmiş qədim sakinlərinin canişini) qoyacağam»". ("Bəqərə" 30).
"Allah sizdən (müsəlmanlardan) iman gətirib yaxşı işlər görən kəslərə vəd etmişdir ki, onları mütləq özlərindən qabaq olmuşları (Nuhun, Hudun, Salehin və Yunusun qövmlərinin möminlərini) canişin etdiyi kimi yer üzündə (Öz) canişin(i) və hakim edəcək". ("Nur" 55).
İmam Sadiq (ə) bu ayə haqqında buyurur ki, burada Ali-Muhəmmədin (s) Qaimi haqqında söz açılıb. Zühuru zamanı deyəcəkdir: "Həmd və səna Allaha məxsusdur, bizim haqqımızda olan vədini yerinə yetirdi. Bizi yerin varisi qərar verdi. Behiştdə haranı istəsək məskən edərik. Yaxşı əməl sahiblərinin mükafatı nə qədər gözəldir". "Onlar üçün Rəbblərinin yanında istədikləri şey vardır. Budur yaxşı əməl sahiblərinin mükafatı!" ("Zumər" 34).

Həzrət Nuha (ə) bənzərliyi.
İmam Sadiqdən (ə) və İmam Hadidən (ə) nəql edilir ki, Həzrət Nuh (ə) 2500 il yaşamışdır. Ona görə də ona Şeyxi Ənbiya deyirlər. Həzrət Zamanın (ə) ömrü də Nuh (ə) kimi uzundur. İndi Həzrətin təxminən 1170 yaşı vardır. Ona görə də Həzrətə Şeyxi Övsiya ləqəbi veriblər.

Həzrət Huda (ə) bənzərliyi.
Allah Təala Quranda Həzrət Hud (ə) ilə müxalifətlik edənlərin cəzası haqqında söz açmış və onları necə qısır küləklə məhv