adi insanların onu dərk etmələri çox çətindir. Təkcə məlum olan budur ki, bu qidalanma ana və onun övladının ruhi sağlamlığı üçün təsirlidir. Burada bu hədsin mənasına da daha artıq diqqət etmək lazımdır. Peyğəmbər (s) buyurub: "Möminlərin qəlblərində İmam Hüseynə (ə) yönəlik gizli və xüsusi bir məhəbbət mövcuddur". (Bihar, 43-cü cild, səh. 43.) Ananın bu türbətlə övladına qida yetirməsi, bu sevgini diriltmək və artırmaq üçün də ola bilər.

İkinci sifariş:
Hamilə anaya tövsiyə edilmişdir ki, hər gün Aşura ziyarətnaməsini oxumağı tərk etməsin. Aşura ziyarətnaməsi isə imam Hüseynə (ə) məxsusdur, bu duada imam Hüseyn (ə) yolu təsdiqlənir və insan özünün imam Hüseynlə (ə) olduğunu deyir, onun düşmənlərinə qarşı nifrətini büruz edir.
Bundan əlavə, 14 məsuma aid olan gündəlik ziyarətnamələri oxusun. Bunların içərisində imam Hüseyınin (ə) ziyarəti də vardır.

Üçüncü sifariş:
Hamilə anaya tövsiyə edilmişdir ki, hər həftədə bir dəfə əhli-beytə (ə) rövzə məclislərində iştirak etsin. Bilirik ki, rövzə məclislərinin də ən üstünü həzrət imam Hüseyn (ə) üçün təşkil edilmiş məclislərdir. Hədisdə də vardır ki, "əgər bir şeyə ağlamaq istəsən, imam Hüseynə (ə) ağla". Üstəlik, o həzrətin rövzə məclisləri Yer üzündə hətta imamın (ə) dünyaya gəlməsindən çox-çox əvvəllər, daha doğrusu Adəm peyğəmbərdən (ə) başlayıb. Buna aid bir neçə nümuməyə diqqət edək:

Həzrət Adəm (ə) və imam Hüseynə (ə) rövzə məclisi
Adəm (ə) cənnətdən Yer üzünə endirilir və o öz əməlidən peşman olub tövbə edir. Allah onu bağışladıqdan sonra Adəm yer üzündə gəzməyə başlayır və nəhayət Kərbəla səhrasına çatır. Burada Adəmi qəm-qüssə bürüyür, hətta onun atı hərəkət etmir və ona görə də Adəm (ə) üç minik dəyişir, ancaq onlar da hərəkət etmirlər.
Piyada gəzməyi davam edən Adəmin (ə) ayağı bir daşa ilişir və yerə yıxılır. Ayağından qan axmağa başlayır. Həzrət Adəm (ə) çox narahat olur və başını göyə qaldırıb deyir: "Allahım! Yenə bir günah işlətmişəm ki, məni bu cür cəzalandırırsan? Mən bütün aləmi