i gəzdim, ancaq belə bir bəla başıma gəlmədi". Allahdan belə bir nida gəlir: "Ey Adəm! Sən günah işlətməmisən. Ancaq bu həmin yerdir ki, övladın Hüseyn (ə) zülm nəticəsində şəhid olacaqdır”. Həzrət Adəm (ə) imam Hüseynin (ə) müsibətinə ağladı. Sonra Adəm (ə) dedi: "Allahım! Burada şəhid olacaq Hüseyn peyğəmbərdir?" Vəhy gəlir ki, ey Adəm (ə), o peyğəmbər deyildir, ancaq axəril-zaman Peyğəmbərinin (s) nəvəsidir. O, Peyğəmbərin (s) qızı Fatimeyi-Zəhranın (s) oğludur". ("Bihar əl-ənvar", c. 44, səh. 242.)

Həzrət Nuh (ə) və imam Hüseynə (ə) rövzə məclisi
Yer üzünü suya qərq edən tufandan nicat tapan Nuh (ə) hiss edir ki, gəmisi dayandı və sanki torpaq onu aşağı çəkir. Güman etdi ki, gəmi batır. O, Allahdan bunun səbəbini soruşduqda Cəbrayil (ə) nazil olaraq dedi: “Bu yerdə sonuncu peyğəmbər Məhəmmədin (s) nəvəsi və Xatəməl-vəsiyin (ə) oğlu İmam Hüseyni (ə) öldürəcəklər”. Sonra Cəbrail (ə) ona imam Hüseynin (ə) rövzəsini oxuyur və Nuhun (ə) halı dəyişir, gözlərindən yaş süzülür. Nuh (ə) onun qatilnin kim olduğunu soruşur və Cəbrayil (ə) cavab verir ki, onun qatili o kəsdir ki, yeddi səma və yeddi yer əhli ona lənət deyir. Həzrət Nuh (ə) onun qatilini dörd dəfə lənətləyir. ("Bihar əl-ənvar", c. 44, səh. 243.)

Həzrət İbrahim (ə) və imam Hüseynə (ə) rövzə məclisi
Bir zaman həzrət İbrahimin (ə) yolu Kərbəladan düşür. O həzrət atı minmişdi. Birdən atdan yerə yıxılır və başı yaralanır. O istiğfar edərək deyir: "Allahım! Mən bir günah işlətmişəm ki, bu cür cəzalandırılıram?”. Cəbrayil (ə) nazil olur və deyir: “Ey İbrahim! Sən günah işlətməmisən. Burada axəril-zaman Peyğəmbərinin (s) nəvəsi və Xatəmül-vəsiyinin (ə) oğlu şəhid olacaqdır”. Cəbrayil (ə) bu müsibəti ona danışır və İbrahim (ə) ağlayır. ("Uyun əl-əxbar", c. 1, səh. 166.)

Həzrət Musa (ə) və imam Hüseynə (ə) rövzə məclisi
Həzrət Musa (ə), Yuşə ibn Nun ilə Yer üzündə gəzirdilər. Onların yolu Kərbəlaya düşdü. Birdən həzrət Musanın (ə) ayaqqabısı cırıldı və onun ayağına tikan batdı. Musanın (ə) ayağından qan