axmağa başladı. Musa Allaha ərz etdi ki, ilahi, məndən hansısa günah baş vermişdirmi? Ona xitab gəldi: Ya Musa, bura Hüseynin (ə) qanı axıdılacaq yerdir. Musa (ə), imam Hüseynin (ə) kimliyi barədə məlumat aldıqdan sonra onun qatillərinə lənət oxudu. ("Bihar əl-ənvar", c. 44, səh. 308.)

Həzrət Süleyman (ə) və imam Hüseynə (ə) rövzə məclisi
Süleyman peyğəmbər (ə) xalçası ilə havada gedərkən, yolu imam Hüseyınin (ə) şəhid olduğu yerdən düşür. Tufan üç dəfə onu fırlayıb, yerə salır. Həzrət Süleyman (ə) küləyə acıqlanır. Allahın izni ilə külək imam Hüseynin (ə) mərsiyyəsini oxuyur. Sonra deyir: "Ey Allahın peyğəmbəri! Bura Hüseynin (ə) öldürüləcəyi yerdir". ("Bihar əl-ənvar", c. 44, səh. 244.)

Həzrət İsa (ə) və imam Hüseynə (ə) rövzə məclisi
İsa peyğəmbər (ə) öz həvariləri ilə Kərbəladan keçirdilər. Onlar gördü ki, bir dəstə ceyran bir yerə toplaşıb ağlayır. Həzrət İsa (ə) və həvarilər də həmin yerə gedib ağlamağa başladılar. Bir müddətdən sonra həvarilər həzrət İsadan (s) ağlamağının səbəbini soruşdular. O dedi: "Bura Xatəmul-ənbiya (s) və onun cigər parçasının övladı Hüseynin öldürüləcəyi torpaqdır". ("Bihar əl-ənvar", c. 44, səh. 253.)

Həzrət Zəkəriyyə və imam Hüseynə (ə) rövzə məclisi
Zəkəriyyə (ə) Beytul-müqəddəsdə idi. Allahdan istədi ki, beş müqəddəs adı ona öyrətsin. Elə ki, Zəkəriyyə (ə) Məhəmməd (s), Əli (ə), Fatimə (ə) və Həsən (ə) adlarını dilinə gətirdi, qəm-qüssə ondan uzaq oldu. Amma elə ki, Hüseyn (ə) adını dilinə gətirdi, onu qəm-qüssə bürüdü. Bir gün Zəkəriyyə (ə) bunun səbəbini Allahdan soruşub dedi ki, nə üçün Hüseynin (ə) müqəddəs adını dilimə gətirəndə gözlərimdən yaş axdı və qəm-qüssə canımı bürüdü? Mütəal Allah, Kərbəla hadisəsini Zəkəriyyəyə (ə) xəbər verdi. Həzrət Zəkəriyyə (ə) bu hadisəni eşitdikdən sonra üç gün məsciddən çıxmadı və üç gün dayanmadan imam Hüseynə (ə) göz yaşı töküb, şivən elədi. ("Bihar əl-ənvar", c. 44, səh. 223.)

Həzrət Məhəmməd (s) və imam Hüseynə (ə) rövzə məclisi
Rəsuli-əkrəm (s) həm imam Hüseynin (ə)