) dünyaya gəlməsindən öncə, həm də dünyaya gəlməsindən sonra müxtəlif zamanlarda ona çox ağlamışdır. O məclislərdən biri belə nəql edilir: İmam Hüseynin (ə) iki yaşı olanda Peyğəmbər (s) səfərə çıxmışdı. O həzrət yolun yarısında dayanaraq “inna lillah və inna iləyhi raciun” (həqiqətən, biz Allah tərəfindən gəlmişik və ona tərəf də qayıdacağıq) zikrini deyir və ağlamağa başlayır. Yanındakı şəxslər Peyğəmbərdən (s) nə üçün ağladığını soruşduqda, cavab verir ki, Cəbrayıl nazil olaraq Fərat çayının yaxınlığındakı Kərbəla adlı yerdə Hüseynin (ə) qətlə yetiriləcəyi xəbərini mənə bildirdi. Allahın Rəsulundan (s) onu kimin şəhadətə yetirəcəyini soruşdular. Peyğəmbər (s) onun Yezid (Allah ona lənət eləsin) olduğunu bildirdi və buyurdu ki, sanki qətligahda onun başının kəsildiyini və Yezid məluna hədiyyə aparıldığını görürəm. Allaha and olsun, onun kəsilmiş başını görən zaman, qəlbində Allah məhəbbəti olmayanlardan başqa, heç kim sevinməz. (Əhməd ibn Əsəm Kufi, “Əl-Futuh”, c.4, səh. 325)
Həmçinin, bütün peyğəmbərlər, həzrət Əli (ə), imam Həsən (ə), həzrət Zəhra (ə) imam Hüseynə (ə) ağlayıb, digər imamlar da o həzrətə rövzə məclisləri təşkil ediblər və bizləri də bu məclislərin keçirilməsinə və bu məcllislərdə iştirak etməyə sifariş ediblər. Habelə, mələklər, cinlər, yerin, göyün və dəryanın bütün mövcudları imam Hüseynə (ə) rövzə məclisləri təşkil ediblər.
Bu rəvayətlərdən və imam Hüseynə (ə) aid rövzə məclislərinə verilən savab və onun əhəmiyyətinə diqqət etməklə belə nəticəyə gəlmək olar ki, hamilə ananın imam Hüseyn (ə) məclisində iştirak etməsi daha çox sifariş edilib.

2. Dünya həyatı
İnsanın dünyaya gəlməsindən sonra onun ilk qidalanmasında da imam Hüseyndən (ə) bir əlamətlə başlayır.
Birinci sifariş:
İlk olan hər bir şey çox əhəmiyyət kəsb edir. Çünki sonrakı mərhələ və məsələlər hamısı bu ilkin necəliyi ilə əlaqəlidir. Övladın dünyaya gəlməsindən sonra ona verilən ilk qida da sözsüz çox önəmlidir. Amma bu ilk qida nə ilə, hansı əlamət və kimi yad etməklə