r sifarişlər vardır.

Dördüncü sifariş:
Vücudumuza hopmuş Hüseyn (ə) sevgisi o həzrətə əzadarlıq etməklə daha da təkmilləşir və həyatımızın hər anı Hüseynlə (ə) olmaq üçün bu bizə çoxlu sifariş olunub.
İmam Rza (ə) buyurur: "Ağlamaq istəyən şəxs İmam Hüseynə (ə) ağlasın. Çünki, o həzrətə ağlamaq günahların bağışlanmasına səbəb olur”.
Allahın Rəsulu (s) qızı Fatiməyə (s) buyurub: "Hüseynin müsibətində ağlayan gözlərdən başqa bütün gözlər qiyamət günü ağlayacaq, (Hüseynə ağlayan şəxslər isə qiyamət günü behişt nemətlərindən bəhrələnərək) gülərüz və şad olacaqlar". ("Bihar əl-ənvar", 44-cü cild, səh. 293).
İmam Sadiq (ə) buyurub: "Hər kəs (bizim müsibətimizə) özü ağlasa və ya başqasını ağlatsa, yaxud da özünü ağlamağa vursa cənnət ona vacibdir". ("Cəlal əl-uyun", səh. 463).

Beşinci sifariş:
Həyat aləmində digər bir sifariş imam Hüseyni (ə) ziyarət etməkdir. Bu mövzuda bir neçə hədisə diqqət edək:
İmam Riza (ə) buyurub: "Hər kəs imam Hüseynin (ə) qəbrini Fərat çayının kənarında ziyarət etsə, sanki ərşdə Allahı ziyarət edibdir". Cabir ibni Əbdullah Ənsari Ətiyyə ilə Kərbəla ziyarətinə getdikdə bu hədisi zəmzəmə edərək deyirdi: "Peyğəmbəri Əkrəmdən (s) eşitmişəm ki, buyurmuşdur: "Hər kəs imam Hüseyni (ə) Kərbəlada ziyarət etsə, sanki Allahı ərşdə ziyarət edibdir". ("Mənaqibi İbni ŞəhrAşub", c, 4, səh. 128.)
İmam Sadiq (ə) o həzrətin ziyarətini sifariş edərək buyurur: "Hər ildə bir dəfə imam Hüseynin (ə) qəbrinin ziyarətinə gedin".("Bihar əl-ənvar", c. 98, səh. 11.)"
Digər bir hədisdə isə imam Hüseynin (ə) ziyarətini o həzrətin imamlığına etiqada bağlayaraq buyurur: "Allah tərəfindən imam Hüseynin (ə) imamətinə hər kəsin etiqadı olsa, imamın ziyarəti ona vacibdir". (Vəsail əl-şiə, səh. 349.)
İmam Sadiq (ə) o həzrətin ziyarətini vacib həddinə çatdıraraq buyurur: "Əgər sizlərdən biriniz ömrünüz boyu Həcc yerinə yetirsəniz amma İmam Hüseyni(ə) ziyarət etməsəniz bilin ki, Rəsuləllahın (s) haqqını ödəməmisiniz. Çünki Allah-taala hər bir müsəlmana imam