Hüseyni (ə) ziyarət etməyi vacib buyurmuşdur". ("Təhzib əl-əhkam" c. 6, səh. 42.)
İmam Sadiq (ə) yenə təkidlə buyurur: "Ummu Səid! İmam Hüseynin (ə) hərəmini ziyarət et. Çünki Allah-təala onun ziyarətini hər bir müsəlman kişi və qadına vacib etmişdir". ("Vəsail əl-şiə" c. 14, səh. 347.)
Yenə o həzrət buyurub: "Müsəlmana yaraşmaz ki, dörd ildən bir İmam Hüseynin(ə) ziyarətinə getməsin". ("Vəsail əl-şiə" c.14, səh.53.)
Yenə buyurub: "Özünü bizim şiə adlandıran şəxs İmam Hüseyni(ə) ziyarət etməmiş dünyadan köçərsə, bizim şiə sayılmaz. Cənnət əhli də olsa əgər yalnız Cənnətdə qonaq hesab olunar". ("Kamiluz-ziyarət" səh.193).
Az qala vacib həddində çatan bu sifarişlər hamısı həyatımızın hər bir anın imam Hüseynlə (ə) olmasını istəmək üçündür. Bunlar hamısı imam Hüseynə (ə) xas olan sifətlərdəndir. Bizim həyatımızın proqramının düzgün tənzimlənməsi üçündür.
Həyat aləmində hamımızda imam Hüseyndən digər bir nişanə
Bu aləmdə hər bir Adəm övladında imam Hüseyndən digər bir əlamət insanların ibham baramağında (baş barmağında) yerləşir.
"Elə ki, Məhəmməd (s), Əli (ə), Fatimə (ə), Həsən (ə) və Hüseynin (ə) müqəddəs nurları həzrət Adəmin (ə) barmaqlarında qərar tutdu, imam Hüseynin (ə) nuru onun ibham barmağında yerləşdi. Hər vaxt Adəmin (ə) gözü ibham barmağına düşsəydi, qəmgin olardı. Bu təsir nəsildən nəsilə köçərək indiyə kimi qalmaqdadır. Ona görə də hər kəsin gülməyi gəlsə və gülməyni saxlaya bilməsə, ibham barmağına baxsa (gülməyi kəsilər və) onu qəm-qüssə bürüyər". ("Bihar əl-ənvar", c. 11, səh. 150,151.)

3. Bərzəx aləmi
Əhli-beytin (ə) sifarişi bu olmuşdur ki, meyitlə birlikdə imam Hüseyn (ə) türbəti də qoyulsun. Habelə, meyitin qəbrdə qorxulardan amanda qalması üçün hənut edərkən kafura bir miqdar həzrəti Seyyidüş-şühədanın (ə) türbətindən qarışdırmaq müstəhəbbdir. Meyiti kəfənə bükdükdə türbətdən bir qədər onun sinəsinə, alnına sürtsünlər və kəfəninin arasına da bir qədər türbət qoysunlar. Bir qədər türbət onun iki gözünün arasına tökmək sifariş