Bətn aləmi:
Hamıya məlumdur ki, bətn aləmində olan övlad ananın xarici aləmdə olan hərəkət və rəftarları ilə əlaqələnir, onun qidalarının övlada tam və qəti təsiri olur. Ona görə də övladın canının Hüseyn (ə) sevgisi ilə yoğrulması üçün dinimiz hamilə anaya bəzi tövsiyələr edir. Bu sifarişlərin arasında imam Hüseyn (ə) xüsusi yer tutur və heç bir peyğəmbər və məsum imamlar haqqında bu sifarişlər edilməmişdir.
Birinci sifariş:
Hamilə anaya imam Hüseynlə (ə) bağlı xüsusi tövsiyələrdən birincisi budur ki, ana övladının bətninə düşməsinin birinci ayında Günəş çıxmazdan öncə bir qədər imam Hüseyn (ə) türbəti yesin.
Bətndə olan övladın birinci ayı onun ürəyinin yaranması ayıdır və ürək öz fəaliyyətinə bu ayda başlayır, hətta yeni texnoloji aparatlarla bu ayda uşağın ürəyinin döyüntülərini hiss etmək mümkündür.
Ananın qidalanmasının övlada təsirli olmasının təbii olmasına diqqət etməklə, onun ürəyinin yaranması ayında imam Hüseyn (ə) türbəti ilə qidalanmasına sifariş doğrudan da insanı heyrətləndirir və onu daha çox fikirləşməyə məcbur edir. Burada böyük hikmətlər gizlənib ki, adi insanların onu dərk etmələri çox çətindir. Təkcə məlum olan budur ki, bu qidalanma ana və onun övladının ruhi sağlamlığı üçün təsirlidir. Burada bu hədsin mənasına da daha artıq diqqət etmək lazımdır. Peyğəmbər (s) buyurub: "Möminlərin qəlblərində İmam Hüseynə (ə) yönəlik gizli və xüsusi bir məhəbbət mövcuddur". (Bihar, 43-cü cild, səh. 43.) Ananın bu türbətlə övladına qida yetirməsi, bu sevgini diriltmək və artırmaq üçün də ola bilər.