sözlərinə qulaq asanda elə bilirsən ki, divara söykənmiş quru çubuqlardır. Onlar ətrafda söylənilən hər bir şeyi öz zidlərinə olduğunu hesab edirlər.”
Ayədən belə başa düşülür ki, riyakarların birinci nişanəsi zahirən diqqəti cəlb eləyib görəni ilk baxışdan aldatmaqdır. Danışıqları o qədər şirindir ki, ətrafdakılar onun haqqı dediyini güman edirlər. Onların ikinci nişanəsi odur ki, zahirləri aldadıcıdır, batinləri quru ağaca bənzəyir. Elə bir ağac ki, kökü və arxalanacağı bir şey yoxdur. Arxalanmaq üçün divara söykəniblər. Başqalarına nisbətdə bədbindirlər. Riyakarların üçüncü əlaməti odur ki, zahirən güclü görünürlər. Lakin ətrafdan qalxan hər sədanı özlərinə zidd hesab edirlər. Onlar nəinki digərlərindən, hətta özlərindən belə qorxurlar. Onlar nəinki digərlərindən, özlərindən belə qorxurlar. Heç kəsə etimad etməyib başqalarını da özləri kimi hesab edirlər.
Həzrət Əli (ə) rayakarların xüsusiyyətləri barəsində buyurur: “ Camaatın məkr və hiyləsindən uzaq olun. Məbada onların dediklərinə və əməllərinə inanasınız və onların ardınca gedəsiniz. Cünki onlar yoldan azan və azdırandırlar. Rəngdən-rəngə düşürlər. Sizi hədəfə alıb pusquda durublar. Qəlbləri xəstədir. Ancaq zahirən özlərini pak qələmə verirlər. Ümid edənləri naümid edirlər. Söhbət zamanı pərdəni aradan götürürlər. Onlar zahiri gözəl ilana bənzəyirlər, amma içləri zəhərlə doludurlar. Şəxsi mənafelərinə çatmaq üçün hər vasitədən istifadə edirlər. Gah nəsihət verir, yağlı dillərini işə salır, gah təvazökarlıq göstərib öz hədəflərinə çatmaq üçün anadan da mehriban dayə olurlar. Özləri öz şəxsiyyətlərinə dəyər vermirlər, hədəflərinə çatmaq üçün hər yola əl atmağa