15-May MƏBƏS gecəsi,16-May isə MƏBƏS günüdür...
MƏBƏS GECƏSİNİNİ TARİXİ VƏ GÜNÜNÜN ƏMƏLLƏRİ BARƏDƏ..
Bu gecə Rəcəb ayının 26-dan 27-ə keçən gecədir. Bu gecəyə Besət (Məbəs) gecəsi deyilir. Peyğəmbərin ə.s. Besəti, yəni onun Allah tərəfindən risalət məqamına ucaldılması İslam tarixinin ən mühüm hadisələrindən biridir. Qurani-Kərimin nazil olması da məhz bu zamandan, Peyğəmbərin ə.s. besətindən, ona ilk vəhyin nazil olmasından sonra başlayır. "Besət" sözü lüğəvi baxımdan ərəb dilindən ana dilimizə tərcümədə "ucaltmaq", "qaldırmaq" mənasına gəlir. Termin olaraq isə besət, "Allah tərəfindən bir insanın digər insanların hidayəti üçün göndərilməsi"nə deyilir.
Peyğəmbərin ə.s. məbus olmasından əvvəl onun gələcəyini səmavi din ardıcılları bəzi xüsusiyyət və nişanələrlə bilirdilər. Hətta müşrik ərəblər də bundan xəbərdar idilər. Qurandan əvvəlki səmavi kitablar olan Tövrat və İncil Məhəmməd peyğəmbərin ə.s. məbəsindən müjdələr vermişdi. Həzrət İsa ə.s. Musaya ə.s. nazil olan Tövratın təsdiqi kimi, Peyğəmbərin ə.s. göndərilməsi barəsində müjdə vermişdi. Hətta İncildə göndəriləcək Peyğəmbərin ə.s. xüsusiyytələrinə və onun tərəfdarlarına da işarə olunmuşdu.
Buna görə də Quranın da zikr etdiyi kimi, əhli-kitab alimləri Peyğəmbəri ə.s. öz ən yaxın adamları kimi tanıyırdılar. Tarixdə Peyğəmbərin ə.s. besətinin intizarında olan çoxlu şəxslər var idi.


Məbəs gününün əməlləriMəbəs bayramı ən böyük bayramlardan biridir. Həzrət Məhəmmədin ə.s. peyğəmbərliyə yetişdiyi gündür. Bu günün bir neçə tövsiyə olunmuş müstəhəbb əməlləri var. Və onları sizlərin diqqətinə çatdırırıq:
1. Qüsl almaq.
2. Oruc tutmaq. Bu günün orucu ildə ən savablı dörd gündən biridir. İmam Sadiqdən ə.s. nəql olunur ki, kim Rəcəb ayının 27-ci günü oruc tutsa, Allah onun üçün 70 ilin orucunu yazar.
3. Çoxlu salavat göndərmək. İmam Sadiq ə.s bu günü oruc tutmaq və Peyğəmbər ə.s. və onun Əhli-beytinə ə.s. çoxlu salavat göndərməyi tövsiyə edib.
4. Rəsulullahı ə.s və Hz. Əli ə.s ziyarət etmək.
5. On iki