Dilərəm dinimizi mən bu əlimlə
qoruyum,
Eləyim təbliğini gündə, dilimlə qoruyum,
Gərək İslamımızı hətta, ölümlə qoruyum,
Bu canın Maliki-mülkü Yaradandır, ay Ağa!
Görürəm, ümmətin əhvalı yamandır, ay Ağa!
Zühur et, bircə yetiş dadə, amandır, ay Ağa!
Bölünüb İslamımız gör nə qədər firqələrə,
Bölünüb ümmətimiz gör ki, hədər firqələrə,
Bu səbəbdən bölünüb kulli-bəşər firqələrə,
Amanın bir günüdür, ahim əyandır, ay Ağa!
Görürəm, ümmətin əhvalı yamandır, ay Ağa!
Zühur et, bircə yetiş dadə, amandır, ay Ağa!
Sökülən məscidimiz ünvanımızdır bilirəm,
Sökülən gərçi bizim vicdanımızdır bilirəm,
Bu gedişlə çürüyən öz canımızdır bilirəm,
O Fələstində, Yəməndə nə fəğandır, ay Ağa!
Görürəm, ümmətin əhvalı yamandır, ay Ağa!
Zühur et, bircə yetiş dadə, amandır, ay Ağa!
Bizi məhv eyləmək istər yağı düşmən beləcə,
Çəkəcək qəlbimizə çox dağı düşmən beləcə,
Həmi işğal eləyib torpağı düşmən beləcə,
Edir israr: bu bizim doğma məkandır, ay Ağa!
Görürəm, ümmətin əhvalı yamandır, ay Ağa!
Zühur et, bircə yetiş dadə, amandır, ay Ağa!