Sən bir nütfə idin,döndüm can doldun,
O sənə can verdi,sən canan oldun.
Doğuldun,böyüdün,bir insan oldun.
İnsan övladının odur pənahı,
Layiqincə qiymətləndir Allahı.
Odur xəlq eyləyən,nəsildən nəsil.
O verib bizlərə dörd fərqli fəsil.
Kini,küdurəti ürəyindən sil.
Bu cahan mülkünün tək Odur Şahı.
Layiqincə qiymətləndir Allahı.
Bu qədər neməti almırsan vecə!
Gün batır,hər tərəf zülmət bir gecə.
Hər zülmət gecənin ardınca necə,
O bizə bəxş edir nurlu sabahı?
Layiqincə qiymətləndir Allahı.
Beş namaz nədir ki,qılmırsan onu?
Bu gözəl həyatın var qəmli sonu.
Sən də geyəcəksən ağappaq donu.
Uzaq qaç günahdan,etmə günahı.
Layiqincə qiymətləndir Allahı.