Bütün mərtəbələri gəzdim. Amma Bananoviç artıq doğranmış, sonra da yeyilmişdi. Ee bəs kinolarda belə olmurdu axı.. Aa! MAMA! Kəsəcəy məni, ətimi didişdirəcək!
İşıq sürətindən daha tez olan “Qorxu sürətiylə” mamamı tapdım.
-Az! 30 dəfə keçdin yanımdan, heç çevrilib baxmadın da. Hara uçurdun elə?
-Heç nə idman eliyirdim. Sən nə istiyirdin?
-Sənin ağlın anadan olduğun gün düşüb elə.
-Hə, həkimin o şilləsindən düşüb.
-Paş-paltarın yoxdu. Gedib bir az nəsə alaq da. Qalmısan 2 dənə köynəkdə.
-İşkəncəli gün gəldi çatdı. Dur gedəy. Tez qutarsın canım.
-Çox qudurmusan sən, çox.

Mamamın sözlərinə heyranam da. Necə bir yaradıcılıq varsa qadında hər sözünü tam yerində deyirdi. Alışverişdən sakit qayıtmağımız mümkün idi? Əlbəttə ki yox! Mənim aldıqlarımı bəyənmiyib yenə mız qoymuşdu. “Bir az qız kimi geyin də”... Bu paltarlar onsuz da qızlar üçün istehsal olunub da, qız kimi geyin nə demək olur anlamıram. Mütləq yubkalar, üstündə gəzə bilmədiyim hündür ayaqqabılar geyinim gərək?!
Bir də bu moda anlayaşını anlamıram, bir gün moda çıxsa ki, lüt gəzin. Gəzərlər görəsən modayla geyinənlər? Məncə gəzərlər. Əgər adı “doğulduğumuz saflığa geri dönmə modası” deyə bir şey olsa gəzərlər.
Mamam məni otelə göndərib özü harasa getdi. Əslində hara getdiyini dedi amma qulaq asmırdım. Mənalı bir şey eliyən deyildi onsuz da. Əlimdə brend paketlərlə içəri girdim, 2 addım keçməmiş Şef qabağıma qaçıb əlimdəkiləri aldı.
-Sən bütün gün buralarda fırlanırsan diyəsən.
-Gələcəyin vaxtı hiss eliyib qabağına çıxıram.
-Diyirəm də səndə nəsə var. Daha su zad nə istiyirsən dağılt üstümə, paltar problemim qalmadı.
-Onda keç sənə öz əllərimlə xüsusi kokteyl hazırlıyım. Bunları da otağına göndərirəm.
-Əyər istidən susamış olmasaydım yaltaqlanırsan deyə çoxdan qayısı kimi ikiyə bölmüşdüm səni.
Əlində rəngarəng bir kokteyllə gələndə şort geyindiyinə fikir verdim. Ayağının tüklərindən bizimkilərdən olduğu bilinirdi. Amma orda nəsə var idi, yazı var idi.