güvənir, həm də əlindən gələni edirsənsə, sən də nitqinlə Allahı izzətləndirə biləcəksən.

NECƏ NAİL OLMAQ OLAR?

Jurnalları və kitabları oxuyanda yeni sözləri qeyd et, dəqiq mənasını tap və sonra istifadə et.

Hər gün ən azı beş-on dəqiqə ucadan oxuyaraq məşq et.

Özünə oxumağı daxil edən tapşırıqlara yaxşı hazırlaş. Bitmiş fikri bildirən söz qruplarına xüsusi diqqət yetir. Fikrin gedişatını tut.

Gündəlik söhbətlərdə danışmazdan əvvəl düşünməyi və cümləni kəsmədən axıra kimi deməyi öyrən.

ÇALIŞMA: Hər dəfə bir abzası araşdıraraq Hakimlər 7:1-25 ayələrini diqqətlə oxu. Əmin ol ki, deyilənləri başa düşürsən. Tanış olmayan sözlər üçün lüğətə bax. Xüsusi adların hər birini ucadan de. Sonra abzası ucadan oxu, ancaq diqqət yetir ki, düzgün oxuyasan. Bu abzası oxumağın səni qane edəndə növbəti abzasa keç və beləcə davam et. Sonra bütün fəsli oxu. Bunu təkrarən et, ancaq bu dəfə tempi bir az artır. Bir dəfə də oxu; lazım olan yerlərdə sürəti daha da artır, ancaq o dərəcədə tez oxuma ki, dilin dolaşsın.


KƏKƏLƏMƏYİN ÖHDƏSİNDƏN NECƏ GƏLMƏK OLAR?

Kəkələməyə bir çox amillər səbəb ola bilər. Bu səbəbdən, bəzilərinə kömək edən müalicə üsulu başqalarına təsir etməyə bilər. Ancaq müvəffəqiyyətə nail olmaq üçün, daim çalışmaq vacibdir.

Yığıncaq görüşlərində şərh verməyi fikirləşəndə qorxu və hətta təlaş hissi keçirirsənmi? Kömək üçün Yehovaya dua et (Filip. 4:6, 7). Fikrini Yehovanı izzətləndirməyə və başqalarına kömək etməyə cəmləşdir. Problemin tamamilə aradan qalxacağını gözləmə, ancaq onun öhdəsindən gəlmək üçün aldığın köməyi görməyə çalış. Yehovanın xeyir-duasını hiss edəndə və həmimanlıların səni ruhlandıranda ürəyində daha çox şey etmək istəyi yaranacaq.

Teokratik Xidmət Məktəbi auditoriya qarşısında nitq söyləməkdə təcrübə toplamağa imkan verir. Səni dəstəkləyən və müvəffəqiyyətli olmağını istəyən kiçik qrup qarşısında necə yaxşı çıxış etdiyinə təəccüblənəcəksən. Bu, sənə başqa şəraitlərdə də əminliklə danışmağa kömək edəcək.

Əgər çıxış