Çörçill çıxış edərkən, müxalifətdən olan bir qadın deputat yerdən qışqırır:
- Əgər sizin arvadınız olsaydım, sizə zəhər verib öldürərdim.
Özünü itirməyən Çörçill belə cavab verir:
- Xanım, əgər siz mənim həyat yoldaşım olsaydınız, o zəhəri məmnuniyyətlə içərdim.

***

Sokrat arvadı ilə yola getmirmiş. Bir gün arvadı yenə deyinir, Sokrata ağzına gələni deyir. Sokrat buna reaksiya vermədikcə arvad dəli olur. Götürüb bir vedrə suyu Sokratın başına tökür. Sokrat sakitcə deyir:
- Bu qədər göy gurultusundan sonra yağış yağacağını gözləyirdim.

***

Bernard Şou ilə Çörçillin arası yaxşı deyilmiş. Tez-tez bir-birlərini sancırlar. Bir dəfə Şou öz tamaşalarından birinin premyerası üçün Çörçillə dəvətnamə göndərir. Dəvətnamənin bir kənarında yazır:
- Sizə iki nəfərlik dəvətnamə göndərirəm. Bir dostunuzu da özünüzlə götirə bilərsiniz. Təbii ki, dostunuz varsa.
Çörçill elə həmin dəqiqə cavab yazır:
- Təssüf edirəm ki, sizin tamaşanın premyerasına gələ bilməyəcəm, çünki başqa bir yerdən dəvət almışam. Amma ikinci dəfə göstəriləndə gələ bilərəm. Təbii ki, ikinci dəfə göstəriləcəksə..

***

Bir gün Platon tələbələrindən birini qumar oynayarkən tutur. Onu danlayır. Tələbəsi deyir:
- Mən çox az pulla oynayıram.
Platon isə cavab verir:
- Oğlum, mən səni itirdiyin pula görə yox, itirdiyin zamana görən tənbeh edirəm.

***

Maddi nemətləri vecinə almayan, həyat tərzi və fikirlərinə görə məşhur filosof Diogen bir gün dar yolda gedirəkən varlı bir adamla üz-üzə gəlir. İki nəfərdən biri kənara çəkilməsə keçmək mümkün deyilmiş.
Həmin varlı adam deyir:
- Mən avaranın qabağından çəkilmərəm.
Diogen dərhal kənara çəkilərək deyir:
- Mən çəkilərəm!

***

Bir çətir təmir edən adam yazdığı şeirləri Şekspirə göndərir ki, oxuyub fikrini bildirsin. Şekspir oxuduqdan sonra ona belə cavab yazır: “Dostum, siz həmişə çətir düzəldin, sadəcə çətir düzəldin”.

***

Dostlarından biri Fransa Kralı XV Ludovikə deyir:
- Niyə ağıl vergisi almırsan? Heç kim özünün ağılsız