Uca Allah buyurur:

"Haqqında məlumatın olmadığı bir işin dalınca getmə. Çünki qulaq, göz və ürək – bunların hamısı sahibinin əməlləri barəsində sorğu-sual olunacaqdır." (Əl-İsra, 36)

Fərqinə varmadan gündəlik etdiyimiz günahlardan olan və qəlbi məhvə aparan harama nəzər həmişə gündəmdə olmalıdır. Allahın bizə verdiyi göz Onun həqiqi Rəbb olmasına, tovhidə, ən mükəmməl Yaradan olmasına işarə edən və haram olmayan şeylərə baxmaq və həyatı daha da faydalı etmək üçün verilmiş bir nemətdir. Gözün hara baxmasına da Allah qərar verir. Göz də qəlb kimi insana verilmiş bir əmanətdir. Bu əmanətin necə istifadə etdiyinə görə də biz Allah qarşısında cavabdehlik daşıyırıq. Bu göz bizə bir imtahandır. Allah buyurur:

"Allah və Onun Elçisi bir işə hökm verdiyi zaman heç bir mömin kişi və mömin qadın öz işlərində istədikləri qərarı verə bilməzlər. Allaha və Onun Elçisinə asi olan kəs, əlbəttə ki, açıq-aydın azğınlığa düşmüşdür." (Əhzab, 36)