Istanbul Fatehi Fatih Sultam Mhmet Istanbulun alinmasinda cox cetinlik cekir,Hetta ele zaman gelir ki o bu iwden dawinmaq qerarina gelir,Bax bu vaxt Azerbaycanli.eslen Samaxidan olan muellimi Ak semseddin gelir ve onu ruhlandirir
İstanbulun fəthi 1453-cü il oktyabrın 29- da gerçəkləşdi. Belə ki, 100 minlik Osmanlı ordusu Konstantinopolu mühasirəyə aldı.Bu şəhər min ildən çox idi ki, xristianlığın ideoloji mərkəzi,müsəlman Şərqinə hücumları dəstəkləyən bir imperiyanın paytaxtı idi. Vaxtilə Məhəmməd peyğəmbər (s.) demişdi: "İstanbul bir gün fəth olunacaq. O şəhəri fəth edən ordu nə gözəl ordu! O şəhəri fəth edən sərkərdə nə gözəl sərkərdə!" Beləcə, o gün gəlib çatdı. Türk sultanı II Mehmet öz müzəffər ordusu ilə böyük zəhmət və itki hesabına olsa da, bu şəhəri fəth edib, adını ümumtürk tarixinə qızıl hərflərlə yazdırdı. Sultan II Mehmetə qədərki türk fatehlərinin də ən böyük arzusu bu şəhəri fəth etmək olmuşdu. Lakin bu şərəf sultan II Mehmetə nəsib oldu. Səbəb? Bəlkə də səbəblər çoxdu. Amma, zənnimizcə, əsas səbəblərdən biri bu idi ki, onların Ağ Şəmsəddin kimi müdrik müəllimi və məsləhətçisi olmamışdı.
Əslən azərbaycanlı olan Məhəmməd ibn Şeyx Həmzə (Ağ Şəmsəddin) 1389-cu ildə, bəzi mənbələrə görə, Şam şəhərində, bəzi tədqiqatçıların fikrincə isə Şamaxı şəhərində doğulmuşdur.Yetmiş il ömür sürən böyük alimin 1459-cu ildə vəfat etdiyi bildirilir. Dümağ saqqalı olduğu, həmişə ağ paltarda gəzdiyi üçün xalq arasında Ağ Şəmsəddin kimi tanınmışdı.
Harada doğulmasından asılı olmayaraq, Ağ Şəmsəddin məşhur sufi alimlərindən olan, həmyerlimiz təbrizli Sührəverdinin nəslindəndir. Məhz bu baxımdan onun güclü ilahiyyat bilicisi, uşaq yaşlarından Quran hafizi və bütün mənəvi-əxlaqi ölçülərə uyğun şəxs olması təsadüfi deyildi. Böyük İslam alimləri Şeyx Əbdülqadir Geylani, Mövlana Cəlaləddin Rumi, İmam Gəzzalinin əsərlərini dərindən öyrənsə də bu, ona kifayət etməmiş, irfan məktəbi keçmək üçün mədrəsəni tərk etmiş və Yaxın Şərqi dolaşdıqdan sonra, nəhayət, Anadoluda məşhur