Rudolf Hess - Nasist Almaniyasının öndə gələn
şəxslərindən biri olub və Adolf Hitlerin vəkiliydi.
Müəyyən müddətdən sonra onun məhdud
hakimiyyəti Hitlerin ətrafındakı nasistlərin şəxsi
hakimiyyət uğrunda aparılan siyasi intriqaları
nəticəsində xeyli zəifləmişdi. Hessin zəifliyi
üzündən Hitlerin ikinci xələfi rolunda artıq Martin
Bormann görünürdü. Özünü fürerin gözündə
yüksəltmək və itmiş hörmətini yenidən bərpa
etmək məqsədilə Hess 10 may 1941-ci ildə, hələ
almanlar SSRİ-yə hücum etməmiş, əyninə
Lüftvaffe uniforması geyinərək təkbaşına alman
qırıcı təyyarəsində sülh bağlamaq məqsədilə
Şotlandiyaya uçuş həyata keçirir. Burada o, 1936-
cı il Berlində Olimpiya oyunlarında tanış olduğu
Hamilton hersoqu ilə görüşmək istəyirdi. Ekstra
yanacaq baklarına sahib Messerşmit ME-110
təyarəsilə mahir pilot Hess, Şimal dənizi üzərində
900 millik məsafəni 5 saata qət edərək, hersoqun
iqamətgahından 30 mil aralıda yerə enir. 6000 fut
yüksəklikdən Hess paraşütlə eniş edir və
rastlaşdığı şotland fermerinə ingiliscə "Mənim
Hamelton hersoqu üçün vacib məlumatım var"
deyir. Hess Britaniya hökumətini, Hitlerin yalnız
alman xalqı üçün Lebensraum qazanmaq
istədiyinə və dost "şimal" xalqını məhv etmək
fikrində olmadığına inandırmağa çalışırdı. O
həmçinin Hitlerin Sovet İttifaqına hücum planını
bilir və Almaniyanın iki cəbhədə, şərqdə Sovet
İttifaqı və qərbdə britaniyalılar və onların
mütəffiqlərinə qarşı, birdən vuruşmasının qarşısını
almaq istəyirdi. Britaniya ordularının
kazarmalarında dindirilən zaman, o britaniyalılara
Nasist Almaniyasının Avropada hegemonluğunu
tanıdığı təqdirdə Britaniyanın Hitler tərəfindən
toxunulmayacağını bildirirdi. Rudolf Hess həmçinin
almanların qələbəsinin qaçılmaz olduğunu və
britaniyalıların almanların səxavətli sülh
müqaviləsini qəbul etmələri üzərində təkid edirdi.
Əks halda o britaniyalıları blokada və kütləvi
ölümlə nəticələnicək aclıqla hədələyirdi. Rudolf
Hessin Böyük Britaniyaya getməsində əsl