bu gəlini...
Şəbnəm stəkana şirə süzür, qadına uzadır, ona yaxın stulda əyləşir; - İçin. Nə oldu sizə?
Qadın şirədən içir, gözləri yaşlıydı;- Mən hardan biləydim ki, bu ləçər bizə gəlin gəlir. Bilmirdim axı!..
Şəbnəm televizordan gəlinə baxır; - Belə de. Bu gəlinin on səkkiz yaşı var hələ.
Həkim qadın; - Ağzımı açsam böyük biabırçılıq olacaq.Səmayə bunu hardan tapdı?
Şəbnəm gülümsəyir: - Rəfiqəsinin qızıdır.
Həkim qadın: - İndi mən neyniyim? Səmayəyə necə deyim ki gəlinin...
Şəbnəm qadının sözünü kəsir; - Sakit, nə danışırsız? Yaxşı ki, stolda ikimizdən başqa heç kim yoxdur. Uşaqdıda, deyəcəksiz nə olacaq? Qaytaracaqlar geri, ortalıqda qalıb pozulacaq.
Həkim qadın stolun üstündən götürdüyü salfetkayla üzünün tərini silir; - Narahat olma, belələri səhrada da özünə yol tapar. ( gözləri təzədən dolur) Yazıq Zaman, gəzdi-gəzdi, axırda pozğuna qismət oldu.
Şəbnəm: - Səmayə xanımın arzuladığı gəlindir. Lazım deyil daha, ağzınızı açsaz, siz də biabır olacaqsız. Məndəndə arxayın olun. Heç kimə bir kəlmə də demərəm. Siz də fərz edin ki, o qız yanınıza gəlməyib.
Həkim qadın: - Bu qız özümə baxanda utanmayacaq?
Şəbnəm: - Əsas odur, ev qızıdır. Siz qonaq kimi sonacan oturun,susun. Səmayə xanım, qeyrət, namus düşkünüdür. Bilsə, ürəyi partlayar.

Bir müddət ikisi də susur. Zaman nigahı kəsən qadının gələcək arvadıyla evlənib-evlənməməsiylə bağlı suala üç dəfə “bəli...bəli...bəli...” cavab verməsi həkim qohumunu hövsələdən çıxardır. Zalda hər kəs gəlinlə bəyi alqışlayır. Həkim qadın balaca qara rəngdə olan toy çantasını götürür, ayağa qalxır; - Vallah boğuluram, axıracan otura biləyməcəm. Gedirəm pulumu yazam, cəhənnəm olam.
Şəbnəmə nə isə deməyə imkan vermədi, iti addımlarla gəlinlə bəyin başına yığışan qonaqların yanından əsəbi keçdi.
Qohumunun zalın qapısından çıxdığını görən Səmayə Şəbnəmə yaxınlaşır, qaşqabaqlı, könülsüz soruşur: - Nə olub?
Şəbnəm: - Pul yazdırmağa getdi.
Səmayə gəliniylə oğluna, sonra Şəbnəmə kinayə ilə, qalib gələn qadın kimi