Günümüzdə bir çox insanlar
yaxşılıq etmək, ürəyi təmiz olmaq, paxıllıq etməmək
və s. yaxşı əməllərin Cənnətə girmək üçün kifayət
olduğunu, namazın isə vacib olmadığını düşünürlər.
Halbuki Uca Allah və onun Rəsulu namazı əmr etmiş və bunu əvəz edəcək heç bir əməl olmadığını bizə
açıq-aydın bildirmişlər. Uca Allah buyurur:“Kitabdan
sənə vəhy olunanları oxuyub namaz qıl! Həqiqətən,
namaz çirkin və yaramaz işlərdən çəkindirir” (əl-
Ənkəbut surəsi, 45).Peyğəmbər (salallahu aleyhi və
səlləm) demişdir: “Qiyamət günü insanın ilk soruşulacağı əməl namazdır, əgər namazları öz
qaydasında olarsa, qalib gəlib nicata çatar, yox əgər
öz qaydasında olmazsa, uduzub xəsarətə uğrayar”.
(Tirmizi, 413, Nəsai 1/232, Əbu Davud, 864).O,
həmçinin demişdir: "Allah bəndələrinə beş vaxt
namaz fərz etmişdir. Kim bu namazları qılıb, heç bir naqisliyə yol vermədən, qədrini alçaltmadan yerinə
yetirərsə, cənnətə daxil olacağı haqqında Allah
yanında əhdi olar. Kim bu namazları qılmazsa, Allah
yanında əhdi olmaz. İstəsə ona əzab verər, istəsə də
onu bağışlayar". (Əbu Davud 1276).Uca Allah
buyurur: "Onlardan sonra namazı tərk edib şəhvətə uyan bir nəsil gəldi. Onlar (Cəhənnəmdəki) Ğayy
dərəsinə atılacaqlar". "(Qiaymət günü) günahkarlar
barəsində (belə deyiləcək). Sizi Səqərə salan
nədir? Onlar deyəcəklər: "Biz namaz qılanlardan
deyildik...". (əl-Muddəssir, 41-43).Digər bir hal isə
şeytanın insanlara "hələ vaxta var, sonra namaz qılarsan" - deyə təlqin edərək aldatmasıdır. Əslində
kimdən "sabah başına pis hadisə gəlməyəcəyinə
zəmanət verə bilərsənmi?" soruşsaq, "Xeyr" cavabını
verər. Bu xüsusda Uca Allah buyurur:"Heç kəs sabah
nə qazanacağını bilə bilməz; heç kəs harada
öləcəyini də bilməz. Allah isə, şübhəsiz ki, Biləndir, Xəbərdardır." (Loğman, 34)"Birinizin ölümü çatıb:
"Ey Rəbbim! Mənə bir az möhlət versəydin, sədəqə
verib salehlərdən olardım!" – deməmişdən əvvəl sizə
verdiyim ruzidən Allah yolunda xərcləyin. Bilin ki,
Allah əcəli çatan heç kəsə möhlət verməz.