İblisin Peyğəmbərə dəyərli tövsiyəsi
İmam Sadiq (ə) Həfz ibn Riyaz üçün belə bir hekayə nəql edir: Bir gün İblis həzrət Yəhyanın yanına gəlir. Bu zaman İblisin boynunda bir çox kəndirlər asılmışdı.
Həzrət Yəhya soruşur: Bu kəndirlər nədir?
İblis deyir: Bunlar bəni-adəmin nəfs istəkləri, şəhvətləridir. Bunlar ilə onları tuturam.
Həzrət Yəhya (ə) soruşur: Bu kəndirlərdən mənə aid olanı da varmı?
İblis deyir: Bəzi vaxtlar çox yeyirsən və bu vasitə ilə mən səni namazdan, Allahın yadından uzaqlaşdırram.
Həzrət Yəhya (ə) buyurur: And olsun Allaha! Bundan sonra heç zaman doyanadək yeməyəcəyəm.
İblis deyir: And olsun Allaha! Mən də bundan sonra heç bir müsəlmanı və tövhid əhlinə nəsihət verməyəcəyəm