İçki içən tələbənin Ayətullah Behcət ilə görüşü. Əqiq: Tələbə idi, eşq əhli də deyildi, yəni çox işlərin də əhli deyildi, evində soyuducusunda içki də tapmaq olardı. Universitet tərəfindən onu Quma gəzintiyə apardılar. Qərara əsasən Qumda Ayətullah Behcət ilə də görüş keçirilməli idi. Ardını isə Həmidin öz dilindən: Ayətullah Behcətin hüzuruna çatanda uşaqlar bir bir daxil olub salam verirdilər, Ayətullah Behcət də hamıya salam verirdi və onları içəri dəvət edirdi... mən neçə dəfə istədim salam verim... gözləyirdim Ayətullah Behcət mənim tərəfə baxsın... amma əsla üzünü mənim tərəfə çevirmirdi...hansı ki, başqalarını olduqca yaxşı qarşılayırdı... bir anda öz-özümə dedim: "Həmid! Deyirlər bu ağanın insanların qəlbindən xəbəri var... sən hansı üzlə onun səni yaxşı qarşılamağını gözləyirsən...! Sən ki, özünün nə olduğunu yaxşı bilirsən..." Xülasə o anda çox fikirə dalmışdım... bir çox işlərə son qoymaq qərarına gəldim, Qum səfərindən qayıdandan sonra bütün araq şüşələrini sındırdım, işlərimi sahmana saldım, dəyişdim və bir müddət keçdi. Bir ay idi ki, sözümün üstündə möhkəm dayanmışdım tələbələrdən eşitdim ki, yenə də bir qrup tələbə Quma getmək istəyir, mən Qumdan yeni qayıtdığım üçün adımı yazmaq istəmirdilər, amma çox xahiş- minnətdən sonra nəhayət adımı yazdıra bildim... Ayətullah Behcətin hüzuruna yetişəndə mən qapının ağzında dayanıb başımı aşağı salmışdım, yenə nədənsə qorxurdum... fikirlərə daldığım halda birdən gördüm uşaqlar məni səsləyir: "Həmid! Həmid! Hacı ağa səni çağırır". Baxdım gördüm Ayətullah Behcət mənə işarə ilə deyir ki, yaxına gəl. Yaxınına getdim. Ahəstə qulağıma dedi: "Bir aydır ki, İmam Zamanını (ə.f) sevindirmisən...".