MƏN BÖYÜDÜM UŞAQ OLMADAN..

Mən uşaq olmadım…
Oynamadım doya-doya,
Qaçmadım uşaqlar kimi,
Yıxılmadım…

Qanamadı dizim,
Yıxılıb,durmadım uşaqlar kimi.
Pəncərədən izlədim
Parka gedən uşaqları,
Top dalınca qaçanları.
Pəncərədən izlədim…

Mən uşaqlıq nədir bilmədim…
Həyətdə oynamadan,
Dəcəllik etmədən…
Günahkar-günahkar azar eşitmədən
Böyüklər acıqlanar deye,

Qaçıb gizlənmədən
Ağaca çıxmadan,
Çıxıb da yıxılmadan,
Qonşu bağdan meyvə oğurlamadan,

Həyəcanla qaçıb gizlənmədən,
Otların üzərinə uzanıb,
Göyqurşaği izləmədən
Uşaqlıq nədir bilmədən…

Müəllif: Nigar Deniz