"The Guardian"a bildirir ki, dünyanın ən məşhur nevroloqlarından biri, ABŞ-ın San-Dieqo şəhərindəki Kaliforniya Universiteti nəzdindəki Beyin Mərkəzinin rəhbəri Vilyanur Subramanian Ramaçandran "The Tell-Tale Brain" kitabında insan beyninin adaptiv mexanizmlərinin sirrini açıb.
Alim üç möcüzəli hadisədən bəhs edib.

I hadisə. 70 yaşlı mühəndis həyatı boyu qolunu dirsəkdən aşağı kəsmək istəyib. İndi onun qolu kəsilib və mühəndis özünü əla hiss edir.
II hadisə. Kişi qolunu avtomobil qəzasında itirsə də, həmin qolu hələ də hiss edir.
III hadisə. Koma vəziyyətindən sonra özünə gələn tələbə valideynlərini tanımır və onların dəyişdirildyini deyir.

Beləliklə, travma, insult və ya genetik pozuntular nəticəsində beyin strukturlarında müəyyən dəyişikliklər baş vermiş insanların davranışını öyrənməklə beyindəki zədəli bölgələrin funksiyalarını aşkarlamaq olar.
Son məqsəd bütün kiçik hissələri "birləşdirmək" və beyinin necə işlədiyini anlamaqdır. Belə çıxır ki, qəribə nevroloji simptomatika beynin anlaşılmasının açarıdır.

Məşhur nevroloq bildirir ki, qolunun kəsilməsini istəyən 70 yaşlı mühəndis apotemnofiliya, yəni şüurlu insanın sağlam əzasından "xilas" olmağa çalışdığı nevroloji pozuntunun klassik nümunəsidir.
Sən demə, beynin sağ yarımkürəsində vücudun genetik "rəsmi" var. Həmin kişinin beynində isə “qol rəsmi” yoxmuş və buna görə də qolun verdiyi sinir impulslarının getməyə yerləri yoxdu.
Fantom əzalar isə daha geniş yayılmış pozuntudur.

Valideynlərini tanıya bilməyən tələbə "mənfi əkiz" və ya Kapqr sindromudur. Səbəb isə beynin beyincik badamcığını və lateral peysər-gicgah sahəsini (bu sahə simaların tanınmasına cavabdehdir) birləşdirən toxumaların zədələnməsidir.
Maraqlıdır ki, həmin tələbə anası ilə telefonla danışanda onu dərhal tanıyıb.