Arxeoloqlar tarixdə ən geqnişmiqyaslı araşdırmalara başlayıblar.

"Yomiuri" bildirir ki, beynəlxalq arxeoloqlar qrupu Nepaldakı Lumbini kompleksində tədqiqatlara başlayıblar. Buddistlərin ən müqəddəs məkanlarından biri sayılan Lumbini Budda Qautamanın doğulduğu yer hesab olunur. UNESCO-nun təşkil etdiyi, Yaponiyanın dövlət büdcəsindən maliyyələşdirilən tədqiqatlara Böyük Britaniyadakı Darem Universtitetinin professoru Robin Koningem başçılıq edir.

Araşdırmalar zamanı Lumbini ərazisindəki çox qədim tikililər tədqiq ediləcək və eyni zamanda, Buddanın məhz burada anadan olub-olmadığı sualına cavab axtarılacaq. Muxtəlif versiyalara görə, Budda Qautama eramızdan əvvəl 6-5-ci əsrlərdə doğulub.
Lumbinidə mərkəzi səcdəgah Hindistanın ilk buddist hökmdarı, eramızdan əvvəl III əsrdə hakimiyyətdə olmuş Aşokinin şərəfinə ucaldılmış sütundur.

Kompleksin əsas məbədi isə Budda Qautamanın adını daşıyan Mayya-Devi tikilisidir.
Deyilənlərə görə, Lumbini bağlarında anadan olmuş Siddhartha Quatama 29 yaşına qədər burada dəbdəbə içində, həyatda qocalıq və xəstəliyin olduğunu bilmədən yaşayıb. Günlərin birində qoca ilə rastlaşma onu elə dəyişib ki, Siddhartha sarayı tərk edərək səyahət edən zahidə dönub, sonucda da Budda, yəni "Ayılmış" olub.

Budda Qautamanın "Orta Yol" təlimi buddizmin əsasını təşkil edir.