Alimlər dahi rəssam Leonardo da Vinçinin məşhur "Mona Liza" portretinin daha bir sirrini tapıblar.
Sən demə, Mona Lizanın arxasındakı mənzərə abstrakt peyzaj yox, İtaliyanın şimalındakı Bobbio şəhərgiyinin həndəvərləridir.

Milan Universitetinin əməkdaşı Karla Qlori belə hesab edir. Onun dediyinə görə, jurnalist, yazıçı, Karavaconun məzarını ilk açan insan və İtaliyada Mədəni İrsin Mühafizəsi üzrə Milli Komitənin rəhbəri Silvano Vinçeti məşhur rəssamın əsərində Mona Lizanın arxasında müəmmalı rəqəmlər və hərflər görübmüş.

Belə ki, portretin sağ hissəsində korpünün tağının altında 72 rəqəmi var. Vinçeti bunu Leonardo da Vinçinin mistik nəzəriyyələrindən birinə işarə hesab edirdi.
Qlori isə deyir: "Həmin rəqəm 1472-ci ilə işarədir. Həmin il Bobbionun yanından axan Trebbiya çayı məcrasından çıxmış, köhnə körpünü dağıtmış və həmin məkanı idarə edən Viskonti ailəsini yeni körpü tikməyə vadar etmişdi. Yerdə qalan mənzərə isə yerli qəsrin pəncərəsindən görünən yerlərdir".