- Gəl görüşək, sənə bir az nifrət edim, ayrılaq,
Yenə mənim sevmədiyim geyimləri geyin, gəl
Dayan, sənə baxım,baxım, çıxım gedim, ayrılaq,
Nə mən sənə eyham atım, nə sən de ki, deyingən.
Nə ki mənfi cəhətin var, hamısın ver büruzə,
Danış bütün bəyəndiyin qızlardan fikrini,
Məni elə usandır ki, gerçək olsun möcüzə,
Dəyiş bu daş yaddaşımda yaxşı qalan şəklini
Yenə mənim sevmədiyim sözlerinden yax gözə,
Başqasını sevirəm de, bacar bir də üzük tax.
Nə olar ki, bu beş ildə bircə dəfə bax sözə,
'' Gəl görüşək, sənə bir az nifrət edim, ayrılaq '' .