“Paralel dünyalar” haqqında nə düşünürsünüz? Məsələn bir adamın anidən yox olması, başqa bir aləmə düşməsi və ya başqa bir aləmdən Yerə gəlməsi. Necədə gülüncdür, doğrudurmu? Yəqin ki, sizin yaxın tanışlarınızdan və ya qohum-əqrəbalarınızdan anidən yoxa çıxan olmadığı üçün bu gülünc görünür.

Amma bu gün oxuyacağınız yaşanmış hekayə, inkişaf səviyyəsinə görə çox irəlidə olan yaponlar üçün heç də gülünc deyil. Yaponlar çox da zarafatcıl bir xalq deyil, özlərindən nəyisə uydurmağı da çox sevmirlər. Amma yaşanmış bu hadisənin sirrini, inkişaf səviyyəsinə görə çox irəlidə olan yaponlar belə tapa bilməyib. Bəlkə də bu sirrin üstü açılıb, amma...

1954-cü ilin isti iyun günlərindən biri idi. Paytaxt Tokiyonun Haneda hava limanında həmişəki kimi, yüzlərlə insan var idi. Təxminən saat 11:00 radələri idi. Hava limanındakı məmurlar, ölkəyə gələn insanların ümumvətəndaş pasportlarına baxaraq onları möhürləyirdilər. Bəzən məmurlar onlara uzadılan pasportları cəmi bir neçə saniyə ərzində yoxlayırdılar. Amma, bir pasport, məmuru dayanmağa vadar etdi....

İş adamına bənzəyən, orta yaşlı, saqqalı bir nəfər pasportunu məmura uzatdığı an, məmur bir şeylərin düz getmədiyini anladı. Çünki məmur ilk dəfə idi ki, belə ümumvətəndaş pasportu görürdü. Adam şüphə oyandırdığı üçün məmur öncə ona suallar verməyə başladı. Orta yaşlı bu adamın ana dili fransızca idi, amma yaponca da çox yaxşı danışa bilirdi. Məmur pasportun hansı ölkəyə aid olduğunu soruşdu. Saqqalı adam isə heç düşünmədən və həyəcanlanmadan “Taured” adlı bir ölkənin vətəndaşı olduğunu və pasportun da o ölkəyə aid olduğunu dedi. Bu cavabdan sonra məmurun şübhələri daha da artdı. Çünki o ilk dəfə idi ki, belə ölkə eşidirdi. Lakin məmur həmin şəxsi şübhəli şəxs kimi saxlamadan öncə ona daha bir neçə sual verdi və ölkəsi haqqında məlumat verməsini istədi. Adamın verdiyi məlumatlara görə Taured adlı ölkə Fransa və İspaniya arasında yerləşirdi. Adam ölkəsinin hətta min illik bir tarixinin də olduğunu dedi. Məmur belə bir