Kolumbiyada fələk 65 yaşlı bir bağbanın üzünə gülüb. Dünyanın ən məşhur və ən zəngin narko-baronu kimi tarixə düşən Pablo Eskobarın itkin düşən sərvətinin bir qismi təsadüfən aşkarlanıb.
Bağda yer qazan Xose Mariena Kartolos torpağın altında iri çəlləklərin olduğunu görüb. Onlardan birinin qapağını açanda isə gözlərinə inanmayıb. Bütün çəlləklərin dollarla dolu olduğunu görən bağban pulları mənimsəmək əvəzinə dərhal polisə xəbər verib. Çəlləklərdə nə az, nə çox 600 milyon dollar olduğu üzə çıxıb. Bağbanın bu dürüstlüyünə laqeyd qalmayan kolumbiya hökuməti dərhal tapılan puldan 1 milyon dollarını yaşlı bağbana hədiyyə edib.