“Məşhur müğənnini gecəsi 10 minə Qar qız kimi çıxardanlar...”
Qızım Fidanın 4 yaşı hələ tamam olmamışdı. Yeni il axşamı məndən kukla istədi. Əlimi cibimə atdım. Çörək və "Cola"ya çatacaq qədər pul vardı üstümdə. Bilmədim, nə deyim. Bir anlıq "stupor" vəziyyəti aldım. Və qəfildən dilə gəldim: "Qızım, bu bayramda hədiyyələri Şaxta Baba gətirir. Sən də il boyunca nadinc olmusan, "mama"nın, "papa"nın sözünə baxmamısan deyə Şaxta Baba küsüb bizdən. Deyir, Fidan nə vaxt ağıllı olar, hədiyyəsini də o vaxt gətirərəm..."
Uşaq sakitcə otağına çəkildi. Ardınca getdim. Hiss etdirmədən. Gördüm xısın-xısın ağlayır. O körpəcik, balaca əllərini də havaya qaldırıb deyir: "Allah Baba, noolar qışqır Şaxta Babanın üstünə. Ona de ki, mən nadinc deyiləm. "Mama"nın da, "papa"nın da sözünə baxıram. O, kiminləsə səhv salıb məni..."
P.S. Həmin an, sifariş verən olsa, adam belə öldürüb, pul qazanardım, - balamı o vəziyyətdə görməyim deyə...
***
Bayram biriləri üçün zillət, biriləri üçünsə keyf, eyş-işrətdi bu məmləkətdə. Gerçəkdən.
Həyat – kasıb və varlıların xəttini qap-qara boya ilə ayırıb. Acımasızca.
Birilərinin uşağına Şaxta Baba sadəcə mırt tutmaq, məzə çırtlatmaq üçün lazımdır, digərlərinə isə yalandan da olsa sevinmək, içindəki körpə saflığını tükətməmək üçün!
Biriləri istəsə - hansısa məşhur müğənniyə gecəsi üçün on min verib, onu yolkasının altında Qar Qız kimi oturda bilər. Biriləri isə ilin əvvəlində aldığı oyuncaq maşının təkərlərini, ya da nə vaxtsa uşağın ad gününə gətirilən gəlinciyin paltarını dəyişib yolka altına qoyar ki, səhər yuxudan ayılan balasına “Şaxta Babanın hədiyyəsidir”, - deyib şablon ritualı ötürə bilsin.
Biriləri bayram süfrəsini, xarici ölkələrin ən “bərk gedən” restoranlarında, əyləncə mərkəzlərində bir şampan üçün “VİSA” kartından 30 min evro ödəməklə düzənlər... Digərləri isə bütün varı-yoxu olan “Bolkart”ından 30 manat miqdarında kredit çəkməklə...
Biriləri balasını bəxtəvər etmək, Yeni il qarşılamaq üçün Honq-Konq–Tayland–Beyrut marşrutu