"News Info" bildirir ki, amerikalı psixoloqlar "əbədi məhəbbət"in varlığını sübut ediblər. Onların fikrincə, bir-birini sevən kişi və qadının nikahı illər sonra da bərk qalır, həmin insanlar eynən gəcnclikdəki hissləri yaşayırlar.

Nyu-York Universitetinin alimlərin nikahda bəxtəvər olduqlarını söyləyən kişi və qadınları elmi araşdırmaya cəlb ediblər.
Onların arasında 20 ildən bəri nikahda olan ər-arvadlar da vardı.

Ərlərə xanımlarının, xanımlara isə ərlərinin fotoları göstərilib. Bu zaman alimlər sınağa məruz qalanların beyin fəallığını müşahidə ediblər.
Məlum olub ki, sevdiyi insanın fotoşəklinə baxan adamda beyindəki fəallıq eynilə veni eşqə düşmüş gənclərdəki kimidir.

"Gerçəkdən sevən xanımlar ərlərinin şəkillərinə baxanda və ya arvadını sevən ərə xanımının fotosu göstəriləndə onlarda "dofamin" adlı məhəbbət hormonunun miqdarı artıb", - elmi tədqiqatın rəhbəri Artur Aron bildirib.