1. İmam Sadiq (ə)-dan nəql olunmuşdur ki, o həzrət bu duanın oxunmasını göstəriş vermişdir:
İlahi, Səndən elə bir diqqət və qayğı istəyirəm ki, borc sahiblərinin borcunu ödəməyi və onlardan borc almağı mənə asanlaşdırsın! Şübhəsiz, Sən hər bir şeyə qadirsən.
2. Bu dua Hz. Musa ibni Cəfər (ə)-dan rəvayət olunmuşdur:
İlahi, insanların mənim boynumda olan kiçik və böyük haqlarını asan və sağlamlıqla onların özlərinə qaytar! Gücüm çatmayan, imkanımdan və bədənimin, yəqinimin və canımın qüdrətindən xaric olan borcumu sahib olduğun lütf və mərhəmətinlə mənim tərəfimdən ödə, mənim boynumda bir şey qoyma qalsın və onu yaxşı işlərimlə əvəz et, ey mehribanların ən mehribanı! Şəhadət verirəm ki, həqiqətən, Allahdan başqa heç bir tanrı yoxdur. O, birdir və Onun şəriki yoxdur. Şəhadət verirəm ki, həqiqətən, Məhəmməd Onun bəndəsi və rəsuludur, din onun şəriəti, İslam onun vəsfi, kitab Allahın nazil etdikləri və söz onun sözündən ibarətdir. Həqiqətən, Allah aşkar haqdır. O, Məhəmməd və onun Əhli-beytini xeyirlə yad etmiş, Məhəmməd və onun Əhli-beytinə salam göndərmişdir.